Забур 17:1–15
Довуднинг ибодати.
17 Эй Яҳова, ўтинчимга қулоқ солиб, адолат ўрнат,Ёрдам сўраб илтижо қилганимда мени тингла,Чин юракдан айтаётган ибодатимни эшит+.
2 Менинг фойдамга адолатли ҳукм чиқар+,Кўзларинг тўғри инсон эканимни кўрсин.
3 Сен қалбимни текшириб, тунда мени кўздан кечирдинг+,Сен мени пок қилдинг*+.Ҳеч қандай ёмонликни ният қилмаганимни,Оғзим билан гуноҳ қилмаганимни кўрасан.
4 Одамларнинг ишлари ҳақида айтадиган бўлсам,Сўзларинг туфайли, босқинчининг сўқмоқларидан четда юрганман+.
5 Йўлларингдан юришимга ижозат бер,Шунда оёқларим қоқилиб кетмайди+.
6 Эй Худо, Сени чақираман, чунки менга жавоб берасан+.
Менга қулоқ тут, сўзларимни тингла+.
7 Сенга қарши чиққанлардан қочиб,Ўнг қўлингдан бошпана излайдиганларнинг Нажоткори!Ажойиб ишларинг орқали меҳр-садоқатингни намоён қил+.
8 Кўзинг қорачиғидай мени авайлаб+,Қанотларинг соясида яшириб қўй+.
9 Менга ҳужум қилаётган ёвуз кимсалардан мени ҳимоя қил,Мени ўраб олиб, ўлдирмоқчи бўлган душманларимдан қутқар+.
10 Уларнинг юраклари сезгирлигини йўқотган*,Оғизларидан такаббур сўзлар чиқади.
11 Мана, улар бизни қуршаб олди+,Бизни йиқитиш учун қулай фурсат кутиб туришибди.
12 Уларнинг ҳар бири ўлжасини тилка-пора қилишга ташна арслонга,Пистирмада писиб ўтирган ёш шерга ўхшайди.
13 Қўзғал, эй Яҳова, уларга қарши чиқиб+, ер билан битта қил,Қиличингни ишга солиб, ёвузлардан мени қутқар.
14 Ўз қўлинг билан мени халос қил, эй Яҳова!Ҳозирги ҳаётларида улушини оладиган бу дунёнинг одамларидан+,Сен бераётган яхши нарсалар билан қорнини тўйдирган кимсалардан+,Болаларининг барига мерос қолдираётганлардан мени қутқар.
15 Мен бўлсам, адолатли йўл тутганим учун, менга илтифот кўрсатасан,Ҳузурингда уйғонишдан мамнунман+.
Изоҳлар
^ Ибронийча бу ибора металлни эритиб, чиқиндилардан тозалашни англатади.
^ Ёки «Уларни ёғ босган».
