Забур 21:1–13
Ижрочилар раҳбари учун кўрсатма. Довуд саноси.
21 Эй Яҳова, қудратли бўлганинг учун шоҳ қувонмоқда+,Нажот берганинг учун у беҳад хурсанд+.
2 Сен кўнглидаги орзусини рўёбга чиқариб+,Тилагини амалга оширишдан бош тортмадинг. (Села)
3 Мўл-кўл баракалар билан Сен уни кутиб олдинг,Бошига тоза олтиндан тож кийдирдинг+.
4 У Сендан умр сўраган эди, унга умр ато этдинг+,Сен унга узоқ умр, абадий ва мангу ҳаёт бердинг.
5 Нажот бериб, уни улкан шарафга сазовор этдинг+.
Уни обрў ва улуғворлик билан мукофотладинг.
6 Унга тоабад қут-баракалар ёғдирадиган бўлдинг+,Ҳузурингда унга қувонч ато этдинг+.
7 Чунки шоҳ Яҳовага таянади+,Тангри Таолонинг меҳр-садоқати туфайли у асло тебранмайди+.
8 Қўлинг барча душманларингни топади,Ўнг қўлинг Сендан нафратланадиганларни ушлаб олади.
9 Белгиланган вақтда уларга назар солиб, уларни оловли ўчоқдай қиласан.
Яҳова уларни ғазаби билан йўқ қилади, олов уларни ютиб юборади+.
10 Уларнинг авлодларини* ер юзидан,Зурриётини инсон ўғиллари орасидан йўқ қиласан.
11 Зеро, улар Сенга ёмонлик қилишни режалаштирган+,Амалга ошириб бўлмайдиган фитналарни ўйлаб чиққан+.
12 Камонинг билан уларни мўлжалга олиб,Уларни орқага чекинтирасан+.
13 Эй Яҳова, жойингдан қўзғалиб, кучингни кўрсат.
Қудратингга атаб мадҳлар куйлайлик.
Изоҳлар
^ Сўзма-сўз «мевасини».
