Забур 35:1–28
Довуд саноси.
35 Эй Яҳова, душманларимга қарши чиқиб, томонимни ол+,Мен билан курашаётганларга қарши жанг қил+.
2 Каттаю кичик қалқонингни* олиб+,Мени ҳимоя қилиш учун қўзғал+.
3 Найзанг билан ойболтангни мени таъқиб қилувчиларга қарши кўтар+.
Менга: «Сенинг нажотинг Менман»+,— деб айт.
4 Илоё, жонимни* олиш пайида юрганлар уятга қолиб, камситилсин+.
Мени йўқ қилиш учун фитна уюштираётганлар шарманда бўлиб орқага чекинсин.
5 Улар худди шамол учириб кетган сомондай бўлсин,Яҳованинг фариштаси уларни қувиб юборсин+.
6 Яҳованинг фариштаси уларни таъқиб қилганда,Уларнинг сўқмоқлари қоронғи ва сирпанчиқ бўлсин.
7 Мени тузоққа тушириш учун улар бесабаб тўр қўйиб,Бесабаб менга чоҳ қазиди.
8 Илоё, кутилмаганда бошларига фалокат ёғилсин,Яшириб қўйган тўрга ўзлари тушсин,Унга қулаб, ҳалок бўлсин+.
9 Мен эса Яҳованинг ишлари учун қувонаман!Нажот бергани учун шод бўламан.
10 Мен бутун вужудим билан:
«Эй Яҳова, Сенга ўхшаши борми?
Сен бечорани кучлилардан қутқарасан+,Ночор ва камбағални ўғрилардан халос этасан»+,— деб айтаман.
11 Ёвуз гувоҳлар олдимга келиб+,Мен билмайдиган нарсаларни сўрайди.
12 Жудолик дардига мени мубтало қилиб,Яхшилик эвазига ёмонлик билан қайтаради+.
13 Улар касал бўлганда, мен жулга ўрандим,Қайғу чекиб, рўза тутдим,Аммо улар учун қилган ибодатларим жавобсиз қолди.
14 Дўсти ёки ўз биродари учун ташвишлангандай,Худди онаси учун қайғураётган кишидай, ғам-ғуссадан бошимни эгиб юрдим.
15 Мен қоқилганимда эса улар қувониб, биргаликда йиғилди,Пистирмадан менга ҳужум қилиш учун тўпланди,Мени тилка-пора қилмагунча тинчимади.
16 Худосизлар жирканиб мени мазах қилади*,Менга қарши тишларини ғижирлатади+.
17 Эй Яҳова, қачонгача бунга қараб турасан?+
Жонимни уларнинг ҳужумларидан+,Бебаҳо ҳаётимни ёш шерлардан қутқар+.
18 Шунда улкан жамоат ичра Сенга раҳматлар айтаман+,Халойиқ орасида Сени шарафлайман.
19 Душманларим бесабаб устимдан кулишига изн берма,Мендан бесабаб нафратланаётганлар+ бадниятлик билан кўз қисишига йўл қўйма+.
20 Чунки улар тинчлик ҳақида гапирмайди,Айёрлик билан юртнинг тинчликсевар кишиларига қарши режа тузади+.
21 Мени айблаш учун оғизларини катта очади,Улар: «Эҳа! Эҳа! Буни ўз кўзимиз билан кўрдик!» — дейди.
22 Сен буни кўриб турибсан-ку, эй Яҳова! Сукут сақлама+.
Эй Яҳова, мендан йироқда турма+.
23 Мени ҳимоя қилиш учун уйғон, ўрнингдан қўзғал,Эй Худойим Яҳова, маҳкамада мени ҳимоя қил.
24 Мени Ўз адолатингга кўра ҳукм қил+, эй Аллоҳим Яҳова,Улар устимдан кулишига йўл қўйма.
25 Илоё, улар ҳеч қачон: «Эҳа! Заб иш бўлди-да!» — деб айтмасин.
Улар асло: «Биз уни яксон қилдик»,— демасин+.
26 Бошимга мусибат тушганига севинаётганларнинг бариУятга қолиб, шарманда бўлсин.
Ўзини мендан юқори қўяётганлар иснодга қолиб, камситилсин.
27 Одиллигимга қувонаётганлар эса шодликдан ҳайқирсин,Улар тинимсиз:
«Хизматчиси тинч-омонлигидан мамнун бўлаётган Яҳова улуғлансин!»+ — деб айтсин.
28 Шунда тилим Сенинг одиллигингни сўзлайди*+,Кун бўйи Сени шарафлайди+.
Изоҳлар
^ Кичик қалқонни одатда камончилар кўтариб юрган.
^ Ёки «ҳаётимни».
^ Бошқа вариант «Худосиз бир бўлак нон учун мени мазах қилади».
^ Паст овозда гапириш ёки мулоҳаза юритиш назарда тутилган.
