Забур 43:1–5
43 Эй Аллоҳим, мени оқла+,Маҳкамада бевафо халққа қарши чиқиб, мени ҳимоя қил+.
Ёлғончи ва адолатсиз кишилардан мени қутқар.
2 Зеро, Сен менинг Худойим, қўрғонимсан+.
Нега мени тарк этдинг?
Нега душманим зулми остида хомуш бўлиб юришим керак?+
3 Нуринг ва ҳақиқатингни юбор+,
Улар менга йўл кўрсатсин+,Мени муқаддас тоғингга ва улуғвор муқаддас чодирингга бошлаб борсин+.
4 Шунда мен Худонинг қурбонгоҳи олдига+,Чексиз қувончим бўлмиш Аллоҳнинг ҳузурига келаман.
Эй Тангри, менинг Худойим, арфа чалиб Сенга ҳамдлар айтаман+.
5 Нега мен тушкун аҳволдаман?
Кўнглим, нега бунча безовта бўласан?
Худони кутгин+,Зеро, Уни Буюк Нажоткорим ва Аллоҳим сифатида яна олқишлайман+.
