Забур 49:1–20
Ижрочилар раҳбари учун кўрсатма. Кўрах ўғиллари саноси+.
49 Тингланг, эй барча халқлар!
Диққатли бўлинг, эй дунё аҳли!
2 Каттаю кичик,Бою камбағаллар — барингиз тингланг!
3 Оғзимдан доно сўзлар чиқади,Қалбимдаги ўй-фикрлар+ тушунчам борлигидан далолат беради.
4 Ҳикматли сўзга эътибор қаратаман,Арфа чалиб жумбоғимнинг ечимини айтаман.
5 Мени қулатишга уринаётган ёвузлар қуршовида қолганимда,Оғир кунлар келганда нега қўрқишим керак?!+
6 Ўз бойлигига ишонганлар+,Кўп мол-мулки билан мақтаниб юрганларнинг+
7 Ҳеч бири ҳатто биродарини қутқара олмайди,У учун Худога тўлов бера олмайди+.
8 (Инсон ҳаёти* учун бериладиган тўлов баҳоси шу қадар қимматки,Уни тўлаш асло имконсиздир.)
9 У абадий яшаб, қабр юзини кўрмаслиги учун, уни қутқара олмайди+.
10 Уларнинг ҳар бири доно одамлар ўлишини,Аҳмоқ ва беақл кишилар бирдай ҳалок бўлишини+,Уларнинг бойлиги бошқаларга қолиб кетишини билади+.
11 Улар ич-ичидан уйлари абадий қолишини,Уй-жойлари наслдан наслга ўтишини истайди,
Ер-мулкларига ўз номларини беради.
12 Инсон қанчалик обрўли бўлмасин, узоқ яшай олмайди+,Ўлим олдида у ҳайвондан фарқ қилмайди+.
13 Нодонларнинг+, уларга эргашиб,Уларнинг сафсаталаридан ҳузур қиладиганларнинг ҳаёт йўли шундайдир. (Села)
14 Сўйиладиган қўй сингари улар мозорга* ҳайдаб борилади.
Ўлим уларга чўпонлик қилади,Тўғри инсонлар тонг саҳарда улар устидан бошқаради+.
Улардан ном-нишон ҳам қолмайди+,Сарой эмас, мозор*+ уларнинг уйи бўлади+.
15 Бироқ Аллоҳ жонимни мозор* чангалидан қутқаради+,У мени Ўз ҳимоясига олади. (Села)
16 Бировнинг бойлиги кўпайиб,Хонадонининг обрўйи ошиб кетганидан қўрқма.
17 Чунки у ўлганда, ўзи билан ҳеч нарса олиб кета олмайди+,Обрўйи ҳам ортидан эргашиб бормайди+.
18 Ҳаётлигида у ўзини мақтайди+.
(Фаровонликка эришсанг одамлар сени кўкларга кўтаради.)+
19 Лекин охир-оқибат у ҳам ота-боболарига қўшилади.
Улар ёруғликни қайта кўрмайди.
20 Буни тушунмайдиган инсон қанчалик обрўли бўлмасин+,Ўлим олдида у ҳайвондан фарқ қилмайди.
Изоҳлар
^ Ёки «жони».
