Забур 5:1–12
Ижрочилар раҳбари учун кўрсатма. Нехилот*. Довуд саноси.
5 Сўзларимни эшит, эй Яҳова!+Оҳ-ноламга қулоқ тут.
2 Ёрдам сўраб фарёд қилганимда мени эшит,Эй, Шоҳим ва Худойим, ахир Сенга ибодат қиляпман-ку!
3 Эй Яҳова, менинг овозимни тонг пайти эшитасан+.Ташвишимни эрталаб Сенга айтаман-да+, сабрсизлик билан жавобини кутаман.
4 Ахир Сен ёвузликдан завқ оладиган Худо эмассан-ку!+Ҳеч бир ёмон инсон Сенинг меҳмонинг бўла олмайди+.
5 Ўзига бино қўйган кимса ҳузурингда тура олмайди.
Ёвузлик қиладиганларнинг ҳаммасидан нафратланасан+.
6 Ёлғон гапирадиганларни+ ҳалок қиласан.
Эй Яҳова, Сен зўравон ва ёлғончи одамлардан+ жирканасан.
7 Мен эса, меҳр-садоқатга бой бўлганинг учун+, Сенинг уйингга кираман+.Сенга иззат-икром кўрсатиб, муқаддас маъбадинг томон мук тушиб сажда қиламан+.
8 Эй Яҳова, мени ғанимларимдан ҳимоя қилиб, тўғри йўлларингдан бошлаб бор.Йўлингдан қоқинмасдан юришим учун менга ёрдам бер+.
9 Уларнинг ҳеч бир сўзи ишончга сазовор эмас,Қалби ёвузликка тўладир,Уларнинг бўғзи очиқ қабрдир,Тили билан хушомадгўйлик қилади+.
10 Бироқ Аллоҳ уларни айбдор деб эълон этади.Ўзлари қазиган чуқурга ўзлари қулаб тушади+.
Кўпдан-кўп жиноятлари учун йўқ бўлиб кетсин.Чунки улар Сенга қарши исён кўтарди.
11 Сенда паноҳ топганларнинг барчаси шодон бўлади+.Улар хурсандчиликдан ҳамиша ҳайқиради.
Сен уларни ҳимоя қиласан,Исмингни севганлар Сен туфайли қувонади.
12 Ҳар бир одил кишига Сен барака берасан, эй Яҳова.Сенинг марҳаматинг катта қалқон сингари уни ҳимоя қилади+.
