Забур 65:1–13
Ижрочилар раҳбари учун кўрсатма. Довуд саноси. Қўшиқ.
65 Эй, Сиондаги Худо, Сен мақтовга лойиқсан+.Сенга берган ваъдаларимиз устидан чиқамиз+.
2 Эй, ибодатларни Эшитгувчи, ҳар турли инсонлар ҳузурингга келади+.
3 Хатоларим бошимдан ошиб кетди+,Бироқ Сен уларни кечирасан+.
4 Ҳовлиларингда яшаши учун танлаб+,Ўзингга яқинлаштирган инсон бахтлидир.
Биз муқаддас маъбадингдаги*+,Уйингдаги неъматлардан баҳраманд бўламиз+.
5 Маҳобатли одил ишларинг ила бизга жавоб берасан+,Эй, нажоткор Тангри,Сен ер юзининг ҳар томонида+,Узоқ денгизларда яшовчиларнинг умидисан.
6 Ўз қудратинг билан тоғларни мустаҳкам ўрнатгансан,Сен куч-қудратга буркангансан+.
7 Қутурган денгизларнию+ уларнинг тўлқинларини,Халқларнинг тўс-тўполонини+ тинчитасан.
8 Узоқ ўлкаларда яшовчилар аломатларингни кўриб ҳайратдан лол қолади+,Кунчиқардан кунботарга қадар яшовчилар шод бўлиб қўшиқ айтади.
9 Сен ер учун қайғурасан,Уни серҳосил ва унумдор қиласан+,
Дарёларни сувга тўлдирасан,Одамларни дон-дун билан таъминлайсан+.Шу тариқа ерни унумдор қиласан.
10 Эгатларини сувга қондириб, шудгор қилинган ерни текислайсан.Ёмғир ёғдириб уни юмшатасан, униб-ўсишига барака берасан+.
11 Ҳимматинг ила йилнинг бошига тож кийдирасан,Юрган изларингдан файзу барака оқади+.
12 Даштда серсув ўтлоқзорлар мўл бўлади+,Тепаликлар қувончга бурканади+.
13 Яйловлар қўй-эчкиларга лиқ тўлган,Ғалла гиламдек водийларга тўшаб қўйилган+.
Улар шодланиб ҳайқиради, ҳа қўшиқ айтади+.
