Забур 71:1–24
71 Эй Яҳова, мен Сенда паноҳ топганман.
Шарманда бўлишимга асло йўл қўйма+.
2 Халос эт, қутқар мени, ахир Сен адолатлисан-ку.
Энгашиб қулоқ сол, нажот бер менга+.
3 Қоя устидаги қўрғоним бўл,Шунда доим у ерга қочиб бораман.
Мени қутқариш учун амр бер,Чунки Сен қоям ва қалъамсан+.
4 Эй Аллоҳим, мени ёвузнинг қўлидан,Ноҳақлик қиладиган золимнинг чангалидан қутқар+.
5 Сен умидимсан, эй, Олий Ҳукмдор Яҳова,Ёшлигимдан Сенга таянганман+.
6 Туғилганимдан Сенга суянганман,Мени онам қорнидан олиб чиққан Сенсан+.
Ҳамиша Сенга ҳамду сано айтаман.
7 Кўплар аҳволимга ҳайрат ила қарайди,Лекин Сен менинг паноҳимсан.
8 Сенга ҳамду сано айтиш тилимдан тушмайди+,Кун бўйи улуғворлигинг ҳақида сўзлайман.
9 Кексайганимда мени ташлаб кетма+,Кучдан қолганимда мени тарк этма+.
10 Душманларим менга қарши гапиряпти,Жонимни* олиш пайида юрганлар ўзаро тил бириктиряпти+.
11 Улар: «Аллоҳ уни тарк этди.
Орқасидан қувиб ушлаб оламиз, чунки қутқарадиган ҳеч кими йўқ»+,— деяпти.
12 Эй Худо, мендан узоқлашма.
Эй Тангрим, менга ёрдамга шошил+.
13 Менга душманлик қилаётганларИснодга қолиб, йўқ бўлиб кетсин+.
Бошимга фалокат ёғдирмоқчи бўлганларШармандаю шармисор бўлсин+.
14 Мен эса доим Сени кутаман,Ҳамду саноларимни ошираман.
15 Кун бўйи Сенинг одиллигинг+,Берган нажотинг ҳақида сўзлаб юраман.Кўплигидан уларнинг саноғига етолмайман+.
16 Эй, Олий Ҳукмдор Яҳова,Келиб Сенинг қудратли ишларинг ҳақида айтиб бераман.Сенинг, ёлғиз Сенинг одиллигинг ҳақида сўзлаб бераман.
17 Эй Худо, ёшлигимдан менга таълим бергансан+,Ҳанузгача ғаройиб ишларингни эълон қилиб юрибман+.
18 Кексайиб, сочларим оқарганида ҳам мени тарк этма, эй Тангри+.
Токи келгуси авлодга Сенинг кучинг ҳақида,Келажак наслга қудратинг тўғрисида айтиб берайин+.
19 Эй Аллоҳ, одиллигинг нақадар буюк!+Сен қудратли ишлар қилдинг.Эй Худо, Сенга ўхшаши борми?!+
20 Мени кўп бало-қазоларга йўлиқтирган бўлсанг-да+,Менга тетиклик бахш эт,Ернинг қаъридан мени чиқариб ол+.
21 Обрўйимни ошир,Мени ҳимоя қилиб, тасалли бер.
22 Садоқатли бўлганинг учун, эй Тангрим+,Торли асбобда Сени тараннум этаман,
Арфа чалиб Сенга мадҳлар куйлайман,Эй, Исроилнинг Муқаддас Худоси.
23 Дудоқларим завқ ила Сенга мадҳлар куйлайди+,Зеро, ҳаётимни қутқарган Сенсан+.
24 Кун бўйи одиллигинг тилимдан тушмайди+,Мени ўлдирмоқчи бўлганлар шармандаю шармисор бўлади+.
Изоҳлар
^ Ёки «Ҳаётимни».
