Забур 88:1–18
Қўшиқ. Кўрах ўғиллари саноси+. Ижрочилар раҳбари учун кўрсатма. Махалат* услубида навбатма-навбат куйлаш учун. Зераҳий Хаманнинг маскили*+.
88 Эй Яҳова, менинг нажоткор Тангрим+,Кун бўйи Сенга ёлвораман,Кечаси ҳам ҳузурингда илтижо қиламан+.
2 Ибодатим Сенга етиб борсин+,Ёрдам сўраб қилган нолаларимга қулоқ сол+.
3 Зеро, мусибатлар дастидан жонимдан тўйиб кетдим+,Ҳаётим мозор* ёқасида турибди+.
4 Мен бир оёғи гўрда турганлар қаторидаман+,Тинка-мадорим қолмади+.
5 Ўликлар орасида қолдирилган одамдай,Қабрда ётган мурдадайман.Сен бошқа эсга олмайдиган,Ёрдамингдан бебаҳра бўлган инсон кабиман.
6 Сен мени чуқур ўрага,Қоронғи жойга, тубсиз чоҳга туширдинг.
7 Қаҳринг устимдан зилдай босиб турибди+,Ҳалокатли тўлқинларинг домида қолдим. (Села)
8 Танишларимни мендан узоқлаштирдинг+,Мени уларга жирканч қилиб қўйдинг.
Мен қопқонга тушиб, чиқа олмай қолдим.
9 Қайғу-алам чекканимдан кўзларим хиралашди+,
Кун бўйи Сенга ёлвораман, эй Яҳова+.Қўлларимни кўтариб ибодат қиламан.
10 Ўликларга мўъжиза кўрсатган бўлармидинг?
Марҳумлар туриб Сенга ҳамду сано айта олармиди?+ (Села)
11 Севгинг* қабрда,Содиқлигинг қаро ерда* эълон қилинармиди?
12 Мўъжизаларинг зулматда,Адолатинг унутилганлар диёрида маълум бўлармиди?+
13 Аммо ёрдам сўраб Сенга нола қилавераман, эй Яҳова+,Ҳар тонг ибодатларим ҳузурингга етиб боради+.
14 Эй Яҳова, наҳотки мендан воз кечган бўлсанг?+
Нега мендан юзингни яширяпсан?+
15 Ёшлигимдан жабр-зулм чекиб,Ўлим ёқасида юраман+.Сен йўл қўйган даҳшатли нарсалар дастидан ҳолдан тойдим.
16 Оташин ғазабингга дучор бўлдим+,Ваҳималаринг мени барбод қилди.
17 Улар кун бўйи мени сув каби қуршаб туради,Ҳар томондан* менга ҳужум қилади.
18 Ёру дўстларимдан мени айирдинг+,Зулмат ҳамроҳимга айланди.
