Забур 89:1–52
Маскил*. Зераҳий Этханнинг саноси+.
89 Мен Яҳованинг севгиси* ҳақида абадий куйлайман.
Тилим барча авлодларга вафодорлигингни эълон этади.
2 Мен: «Севгинг* тоабад туради+,Садоқатингни самоларда мустаҳкам ўрнатгансан»,— деб айтдим.
3 Сен шундай дединг: «Мен Ўзим танлаган хизматкорим Довуд билан аҳдлашдим+,Унга онт ичиб+, дедим:
4 “Зурриётингни*+ тоабад сақлаб қоламан,Тахтингни авлодлар оша барқарор қиламан”»+. (Села)
5 Эй Яҳова, осмон ажойиб ишларингни,Ҳа, муқаддас зотлар жамоати садоқатингни мақтайди.
6 Зеро, самода Яҳовага ким тенг кела олади?+
Худо ўғиллари*+ орасида Яҳовага ўхшаш ким бор?
7 Муқаддас зотлар йиғинида Аллоҳга эҳтиром кўрсатилади+.Улар орасида У ҳайбатли ва маҳобатлидир+.
8 Эй, Қўшинлар Сарвари Яҳова,Эй Яҳ*, Сен каби қудратли ким бор?+
Сен ҳамиша садоқатни намоён этасан+.
9 Мавж урган денгизни Сен назорат қиласан+.Тўлқинлари кўтарилганда, уларни Сен тинчитасан+.
10 Сен Раҳобни*+ одамни қатл қилгандай янчиб ташладинг+.
Қудратли қўлинг ила душманларингни тумтарақай қилдинг+.
11 Осмон ҳам, ер ҳам Сеники+,Ер юзи ва ундаги барча нарсани+ Сен бунёд этгансан.
12 Шимол билан жанубни Сен яратгансан,Товур+ ва Хермон тоғлари+ қувонч ила исмингни мадҳ этади.
13 Билагинг кучли+,Қўлинг бақувватдир+.Ўнг қўлинг юқорига кўтарилган+.
14 Одиллик ва ҳаққоният тахтинг пойдеворидир+,Меҳр-садоқат билан вафо доим ҳузурингдадир+.
15 Сенга қувонч ила ҳамду сано айтадиган халқ бахтиёрдир+.
Эй Яҳова, улар юзингдан таралаётган нур остида юради.
16 Исминг ила улар кун бўйи севинади,Адолатинг орқали юксалади.
17 Чунки уларнинг шуҳрати ва қуввати Сенсан+,Сенинг марҳаматинг ила кучимиз ошади*+.
18 Зеро, қалқонимиз Яҳовага,Шоҳимиз Исроилнинг Муқаддас Худосига тегишли+.
19 Ўшанда садоқатли кишиларингга ваҳий орқали шундай дединг:
«Бақувватга куч ато этдим+,Халқ орасидан танлаб олинганни юксалтирдим+.
20 Хизматкорим Довудни топиб+,Муқаддас мой ила уни мойладим+.
21 Қўлим билан уни қувватлайман+,Билагим билан куч бахш этаман.
22 Ҳеч бир душман унга солиқ сола олмайди,Ноҳақ киши зулм ўтказа олмайди+.
23 Унинг олдида ғанимларини парчалаб ташлайман+,Ундан нафратланадиганларни нобуд қиламан+.
24 Вафоим ва меҳр-садоқатим унга ёр бўлади+,Исмим орқали қудрати ошади.
25 Денгиз ҳамда дарёлар устиданУнга ҳокимият ато этаман+.
26 У мени: “Сен менинг Отамсан,Тангрим ва нажотим Қоясисан”+,— дея чақиради.
27 Мен уни тўнғичим қилиб+,Ер юзи шоҳларидан юқори қўяман+.
28 Унга тоабад меҳр-садоқатимни кўрсатаман+.У билан қилган аҳдим асло бузилмайди+.
29 Зурриётини тоабад сақлаб қоламан,Тахти осмон тургунча туради+.
30 Борди-ю, ўғиллари қонунимдан юз ўгириб,Қоидаларимга риоя этмаса,
31 Фармонларимни бажармай,Амрларимга амал қилмаса,
32 Итоатсизлиги учун хивич билан+,Айби учун қамчи билан жазолайман.
33 Аммо уни ҳеч қачон меҳр-садоқатимдан айирмайман+.Берган ваъдамга хиёнат қилмайман.
34 Қилган аҳдимни бузмайман+,Берган сўзимдан қайтмайман+.
35 Муқаддаслигим ҳаққи қатъий қасам ичдим,Довудга ёлғон гапирмайман+.
36 Унинг зурриёти умрбод қолади+,Тахти ҳузуримда қуёш тургунча туради+.
37 Самодаги содиқ шоҳид ой каби,Тахти тоабад маҳкам туради». (Села)
38 Энди бўлса, Ўзинг ундан юз ўгириб, воз кечдинг+.Мойланганингдан ғоят ғазабландинг.
39 Хизматкоринг билан қилган аҳдингдан қайтдинг,Бошидаги тожини ерга улоқтириб булғадинг.
40 Барча тош деворларини қулатиб,Истеҳкомларини вайрон қилдинг.
41 Йўл-йўлакай ўтиб кетаётганлар уни таламоқда,Қўни-қўшнилари мазах қилмоқда+.
42 Ёвларига ғалаба ато этдинг+,Душманларини шод-хуррам қилдинг.
43 Унинг қиличини ўзига душман қилдинг,Жангда уни қўллаб-қувватламадинг.
44 Улуғворлигига чек қўйиб,Тахтини ер билан битта қилдинг.
45 Ёшлик кунларини қисқартирдинг,Юзини шувут қилдинг. (Села)
46 Эй Яҳова, қачонгача биздан юзингни яширасан? Абадийми?+
Қачонгача ғазабинг оташ бўлиб ёнади?
47 Умрим нақадар қисқа эканини ёдга ол!+
Наҳотки барча инсонларни бекорга яратган бўлсанг?!
48 Одам ўлим юзини кўрмай яшай оладими?+
Жонини мозор* чангалидан қутқара оладими? (Села)
49 Эй Яҳова, садоқатинг ила Довудга ичган онтинг,Севги* ила қилган ишларинг қаерда қолди?+
50 Эй Яҳова, хизматкорларинг кулгига қолганини,Барча халқларнинг мазахларига чидашга мажбур эканимни ёдга ол.
51 Эй Яҳова, душманларинг қандай таҳқирлаганини,Мойланганинг қўйган ҳар бир қадамни ҳақорат қилганини эсла.
52 Яҳовага абадий мақтовлар ёғилсин. Омин, омин.*+
Изоҳлар
^ Ёки «меҳр-садоқати».
^ Ёки «Меҳр-садоқатинг».
^ Сўзма-сўз «Уруғингни».
^ Ёки «Фаришталар».
^ Яҳова деган исмнинг қисқача шакли.
^ Эҳтимол, Миср ёки унинг фиръавни.
^ Сўзма-сўз «мугузимиз юксалади».
^ Ёки «Меҳр-садоқат».
^ Ёки «Шундай бўлсин! Шундай бўлсин!»
