Забур 9:1–20
Ижрочилар раҳбари учун кўрсатма. Мут-лаббен*. Довуд саноси.
א [Алеф]*
9 Эй Яҳова, Сени бутун қалбим билан мадҳ этаман,Барча ажойиб ишларинг+ ҳақида гапираман.
2 Сен ила қувониб, шодланаман,Исмингга атаб мадҳлар куйлайман, эй Тангри Таоло!+
ב [Бет]
3 Душманларим орқага чекинганда+,Олдингда қоқилиб, йўқ бўлиб кетади.
4 Зеро, Сен масаламни адолат ила ҳал қиласан,Тахтингда одил ҳукм чиқариш учун ўтирибсан+.
ג [Гимел]
5 Сен халқларни ҳукм қилиб+, ёвузларни йўқ қилдинг,Уларнинг номини абадулабад ўчириб ташладинг.
6 Душманлар тоабад йўқ бўлиб кетди,Сен уларнинг шаҳарларини харобага айлантирдинг,Энди улар асло ёдга олинмайди+.
ה [Хе]
7 Яҳова эса тахтда абадий ўтиради+,У одил ҳукм чиқариш учун тахтини мустаҳкам ўрнатган+.
8 У ер юзи аҳолисини ҳаққоният ила ҳукм қилади+,Халқларга адолатли қарорлар чиқаради+.
ו [Вав]
9 Яҳова эзилган киши учун хавфсиз бошпана+,Мусибат пайтида бехатар паноҳ бўлади+.
10 Исмингни билганлар Сенга таянади+,Сени излаганларни асло тарк этмайсан, эй Яҳова!+
ז [Зайин]
11 Сионда маскан қурган Яҳовага мадҳлар куйланглар,Халқлар орасида Унинг ишларини маълум қилинглар+.
12 Мазлумларнинг қони учун ўч олувчи Аллоҳ, уларни унутмайди+,Уларнинг ёрдам сўраб қилган ноласини эсдан чиқармайди+.
ח [Хет]
13 Илтифот кўрсат, эй Яҳова! Мендан нафратланганлар зулмига назар сол,Ўлим оғзидан мени тортиб оладиган ёлғиз Ўзингсан+.
14 Шу боис, Сион қизи дарвозалари олдида мақтовли ишларингни эълон этаман+,Нажот бермоқ учун қилган ишларингдан шодланаман+.
ט [Тет]
15 Халқлар ўзлари қазиган чоҳга ўзлари тушди,
Қўйган тўрларига ўзларининг оёқлари илинди+.
16 Яҳова амалга оширган ҳукмлари билан таниқлидир+.
Ёвуз кишини ўз қўллари билан қилган иши тузоққа туширади+.
Хиггайон*. (Села)
י [Йод]
17 Ёвуз одамлар мозорга* чекинади,Худони унутган барча халқлар борадиган жой ўша ердир.
18 Аммо фақир доимо унутилиб қолавермайди+,Камтар* кишининг умиди ҳеч қачон сўнмайди+.
כ [Каф]
19 Қўзғал, эй Яҳова! Ўткинчи инсон устун келишига йўл қўйма.
Халқлар Сенинг ҳузурингда ҳукм қилинсин+.
20 Уларни даҳшатга сол, эй Яҳова!+Халқлар шунчаки ўткинчи инсон эканини билиб қўйсин. (Села)
Изоҳлар
^ Иброний алифбосининг илк ҳарфи. Ушбу оятдан бошлаб иброний алифбоси тартиби бўйича бошланган.
^ Ёки «Мулойим, беозор».
