Закариё 10:1–12

  • Сохта худолардан эмас, Яҳовадан ёмғир сўранг (1, 2)

  • Яҳова Ўз халқини бирлаштиради (3–12)

    • Яҳудо хонадонидан бўлган раҳбар (3, 4)

10  «Баҳорги ёмғир мавсумида Яҳовадан ёмғир сўранг. Чунки бўрон булутларини яратадиган Яҳовадир.У одамларга ёмғир ёғдириб+,Ҳамма учун далада ўсимлик ўстиради.  2  Хонаки бутлар* алдайди.Фолбинлар ёлғон ваҳийлар кўради. Улар бемаъни тушлар ҳақида гапириб,Тасалли беришга беҳуда интилади. Шунинг учун халқ қўйлардай сарсон бўлади. Бирорта ҳам чўпон бўлмагани боис, улар азоб чекади.  3  Менинг ғазабим чўпонларга қарши аланга олади.Зулмкор йўлбошчиларни* жавобгарликка тортаман.Қўшинлар Сарвари Яҳова Ўз суруви+, Яҳудо хонадонига эътибор беради,Уни улуғвор жанг отидай қилади.  4  Раҳбар* ундан келиб чиқади.Уни қўллаб-қувватлайдиган ҳукмдор*,Уруш камони ундан келиб чиқади.Ҳар бир нозир, ҳа уларнинг бари ундан келиб чиқади.  5  Улар жангчилар каби бўлади,Урушда кўчаларнинг лойини топтайди. Улар жанг қилади, чунки Яҳова улар билан бўлади+.Душман суворилари уятга қолади+.  6  Мен Яҳудо хонадонини бошқалардан устун қилиб қўяман.Юсуф хонадонини қутқараман+. Уларга раҳм-шафқат кўрсатиб+,Қайтариб олиб келаман.Шунда барчаси аввалгидай, Мен улардан ҳеч қачон воз кечмагандай бўлади+.Чунки Мен — Яҳова уларнинг Тангрисиман ва уларга жавоб бераман.  7  Эфрайим халқи кучли жангчи каби бўлади.Худди шароб ичгандай, уларнинг қалби қувончга тўлади+. Буни кўрган ўғиллари шодланади.Уларнинг қалби Яҳова туфайли хурсанд бўлади+.  8  “Мен ҳуштак чалиб уларни бирга йиғаман.Уларни қайтариб сотиб оламан+ ва улар кўпаяди,Кўпайишдан тўхтамайди.  9  Уларни халқлар орасига уруғдай сочиб юборган бўлсам-да,Олис жойларда бўлганда улар Мени ёдга олади.Улар ўғиллари билан жонланиб, қайтиб келишади. 10  Мен уларни Мисрдан қайтариб олиб келаман,Оссуриядан йиғиб оламан+.Уларни Гилад ва Ливан* ерларига олиб келаман+,Шунда ҳам улар учун жой камлик қилади+. 11  Денгизга кулфат келтириб, ундан ўтаман.Унинг тўлқинларини уриб тушираман+.Нилнинг туби қуриб кетади. Оссуриянинг ғурури синдирилади.Миср салтанат ҳассасидан айрилади+. 12  Мен — Яҳова уларни бошқалардан устун қилиб қўяман+.Улар Менинг исмимга мувофиқ ҳаёт кечиришади”+,— демоқда Яҳова».

Изоҳлар

^ Сўзма-сўз «терафимлар». Луғатга қ.
^ Сўзма-сўз «такаларни».
^ Сўзма-сўз «девор бурчагидаги минора». Бу, муҳим одамни тасвирлайди.
^ Сўзма-сўз «қозиқ». Бу, қўллаб-қувватлайдиган кишини тасвирлайди.
^ Ёки «Лубнон».
МУҚАДДАС КИТОБ — ЯНГИ ДУНЁ ТАРЖИМАСИ
Закариё 10
ўзбекча
Муқаддас Китобни онлайн ўқинг
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt 40- саҳ.