Зафаниё 3:1–20
3 Исёнкор, ифлос, зулмкор шаҳарнинг+ ҳолига вой!
2 У ҳеч кимга қулоқ солмади+, панд-насиҳатни қабул қилмади+.
У Яҳовага таянмади+, Худосига яқинлашмади+.
3 Унинг беклари бўкираётган шерлар+,
Ҳакамлари тунда изғиб юрадиган бўрилардир.Улар тонг отгунча ғажигани ҳатто битта суяк қолдирмайди.
4 Унинг пайғамбарлари сурбет, хоин кишилардир+.
Унинг руҳонийлари муқаддас нарсани булғайди+.Улар қонунни бузади+.
5 Шаҳарда макон қурган Яҳова одил+, У ноҳақлик қилмайди.
Ҳар тонг У ҳукмларини эълон қилади+.Ҳукмлари тонг шафағидай ҳамиша бор.
Адолатсиз кишилар эса уятни билмайди+.
6 «Мен халқларни йўқ қилдим, уларнинг девор бурчакларидаги миноралари бўш қолди.
Кўчаларини кимсасиз қолдирдим, улардан ҳеч ким юрмайди.
Уларнинг шаҳарлари харобага айланди, у ерда инсон зоти қолмади+.
7 Бу барча ишлари учун Мен уни жавобгарликка тортганимда,
Яшаш жойи бузилиб кетмасин деб+,Унга: “Мендан қўрқиб, панд-насиҳатни* қабул қил”+,— дедим.
Аммо улар жон-жаҳди билан разил ишлар қилишга интиларди+.
8 Яҳова шундай демоқда: “Талон-торож қилишга келмагунимча*,Мени кутинглар*+.Чунки Менинг ҳукмим халқлар ва шоҳликларни йиғиб,Нафратимни, оташин ғазабимни уларнинг устига тўкишдан иборат+.Рашк ўтим бутун ер юзини ютиб юборади+.
9 Ўшанда Мен халқларга соф тил ато этаман,Токи уларнинг бари Яҳова исмини чақириб,Унга елкама-елка хизмат қилсин*”+.
10 Ҳабашистон дарёлари ҳудудиданМенга ёлворган, тарқалиб кетган халқимнинг қизи Менга ҳадя келтиради+.
11 Исён кўтариб Менга қарши қилган барча ишларингданЎша куни уялиб қолмайсан+.Чунки Мен кеккайган мақтанчоқларни ичингдан йўқ қиламан.Энди ҳеч қачон Менинг муқаддас тоғимда кеккаймайсан+.
12 Сенинг ичингда камтар ва хокисор инсонлар қолишига изн бераман+.
Улар Яҳовадан паноҳ топадилар.
13 Исроил халқининг омон қолганлари+ асло адолатсизлик қилмайди+.Улар ёлғон гапирмайди, тилида ҳийла бўлмайди.Улар еб тўйиб, чўзилиб ётади ва ҳеч ким уларни қўрқитмайди»+.
14 Эй Сион қизи, хурсандчиликдан ҳайқир!
Эй Исроил, ғолибона ҳайқир!+
Эй Қуддус қизи+, шодланиб чин дилдан қувон!
15 Яҳова сенга қарши чиқарган ҳукмларни бекор қилди+.
У душманингни қувиб юборди+.
Исроил Шоҳи — Яҳова сен билан+.
Бундан буён офатдан қўрқмайсан+.
16 Ўша куни Қуддусга шундай дейилади:
«Эй Сион, қўрқма+.
Қўлларинг бўшашмасин.
17 Тангринг Яҳова сен билан+.
У қудратли Худо, сени қутқаради.
У сен учун беҳад қувонади+.
Сенга севгисини намоён этиб, мамнуният ҳис қилади.
У сен учун шод-хуррам бўлиб, қувончдан ҳайқиради.
18 Байрамларингни соғиниб, қайғуриб юрганларни бирга йиғаман+.Улар шарманда бўлгани учун сендан узоқда эди+.
19 Ўшанда сенга жабр-зулм ўтказаётган барчага қарши чиқаман+,Оқсаётганларни қутқараман+.Тарқалиб кетганларни бирга йиғаман+.
Шармандаликда яшаган юртларнинг ҳаммасида,Уларни шон-шарафга эриштираман.
20 Ўшанда сизларни юртингизга қайтариб олиб келаман,Сизларни бирга йиғаман.
Кўз ўнгингизда асир бўлган одамларингизни қайтариб олиб келганимда,Сизларни ер юзидаги барча халқлар ичида шон-шарафга эриштираман+»,— демоқда Яҳова+.
Изоҳлар
^ Ёки «тузатишни».
^ Бошқа вариант «Гувоҳ сифатида келмагунимча».
^ Ёки «сабр билан кутинглар».
^ Ёки «Унга бирликда топинсин».