Ишаё 46:1–13
46 Бэл букилиб+, Наво* букчайиб қолади.
Бутлари ҳайвонларга, юк ҳайвонларига ортилади+.Улар чарчаган ҳайвонларга оғир юк бўлади.
2 Иккови бирга букчайиб, эгилиб қолади.Улар юкларини* сақлаб қола олмайди,Ўзлари эса асир қилиб олиб кетилади.
3 «Эй, Ёқуб хонадони, эй, Исроил хонадонининг омон қолганлари+, Менга қулоқ солинг!Мен сизларга она қорнидан ғамхўрлик қилиб, туғилганингиздан буён қўллаб келяпман+.
4 Кексайган чоғингизда ҳам Мен ўзгармайман+,Сочингиз оқарса ҳам сизларни қўлимда олиб юраман.
Илгаригидай сизларни кўтариб юраман ва қутқараман+.
5 Мени кимга ўхшатасиз? Ким билан тенглаштирасиз?+Ўхшашлигимиз кўриниши учун Мени ким билан солиштирасиз?+
6 Ҳамёнидан тилла тўкиб,Кумушни тарозида ўлчайдиганлар бор.
Улар заргар ёллаб, унга худо ясаттиради+.
Сўнгра ергача эгилиб, ўша худога сиғинади+.
7 Улар уни елкаларида олиб юради+.Кўтариб келади-да, ўрнига қўяди,
У фақат ўша ерда туради+,
Унга ёлворишади, аммо у жавоб қайтармайди,Ҳеч кимни қайғудан халос эта олмайди+.
8 Буни ёдда тутинг, жасоратли бўлинг.
Эй қонунбузарлар, буни қалбингизда сақланг.
9 Қадимда бўлган нарсаларни эсга олинг,Мен Худоман, Мендан бошқаси йўқ.
Мен Тангриман, Менга ўхшагани йўқ+.
10 Охирида нима бўлишини бошидан,Ҳали юз бермаган нарсаларни олдиндан айтаман+.
Мен: “Ниятим албатта бажо бўлади+,Истаганимни амалга ошираман”+,— дейман.
11 Кунчиқар томондан бир йиртқич қушни+,Олис юртдан иродамни бажарадиган бир кишини чақираман+.
Айтганимни амалга ошираман.
Тилагимни бажо қиламан+.
12 Эй, қалби ўжарлар,Эй, одилликдан йироқ бўлганлар, Мени тингланг.
13 Мен адолатимни яқинлаштирдим,У узоқда эмас,
Нажотим асло кечикмайди+.
Мен Сионга нажотни, Исроилга улуғворлигимни тақдим этаман»+.
