Колосаликларга йўлланган мактуб 3:1–25
3 Масиҳ билан бирга тирилган экансизлар+, осмондаги нарсаларга интилинглар. У ерда Масиҳ Худонинг ўнг томонида ўтирибди+.
2 Ердаги нарсалар ҳақида эмас+, балки самовий нарсалар ҳақида фикр юритинглар+.
3 Чунки сизлар ўлгансизлар ва ҳаётингиз Аллоҳ билан бирликда бўлган Масиҳнинг қўлидадир.
4 Ҳаётимиз бўлмиш Масиҳ+ ўз улуғворлигини ошкор этганда, сизлар ҳам у билан бирга улуғворликда намоён бўласизлар+.
5 Шунинг учун, тана аъзоларингиздаги+ ерга хос зино*, ифлослик, тийиқсиз шаҳвоний ҳирс+, зарарли истак ва бутпарастликка тенг бўлган очкўзлик каби эҳтиросларни ўлдиринглар.
6 Сабаби, бу нарсалар Тангрининг ғазабини келтиради.
7 Сизлар ҳам бир вақтлар шу нарсаларга берилиб, шундай йўл тутгансизлар+.
8 Энди эса ғазаб, жаҳл, ярамаслик+, ҳақоратли сўзларни ўзингиздан соқит қилинглар+. Беадаб гаплар+ оғзингиздан чиқмасин.
9 Бир-бирингизга ёлғон гапирманглар+. Эски ўзлигингизни+ ишлари билан ечиб ташлаб,
10 Яратувчининг тасвирига кўра+ аниқ билим орқали янгиланиб бораётган янги ўзликни кийиб олинглар+.
11 Сабаби, унда на юнон, на яҳудий, на суннат ва на суннатсизлик, на чет эллик, на скиф*, на қул ва на озод бор. Аммо Масиҳ ҳамма нарса ва ҳамма нарсададир+.
12 Хуллас, Худо томонидан танланган+ муқаддас ва суюкли кишилар сифатида сизлар меҳр-шафқат+, меҳрибонлик, камтарлик*+, мулойимлик+ ва сабр-тоқат+ каби ёқимли фазилатларга бурканинглар.
13 Бир-бирингизга чидамли бўлинглар ва ҳатто кимнингдир бошқадан арз қилишга сабаби бўлса+, уни чин дилдан кечирсин+. Яҳова* сизларни чин дилдан кечирганидек, сизлар ҳам шундай йўл тутинглар+.
14 Буларнинг устига, инсонларни етук даражада бирлаштирадиган+ севги фазилатига бурканинглар+.
15 Масиҳнинг тинчлиги қалбларингизда ҳукмрон бўлсин+, чунки сизлар бир танани ташкил этиш учун даъват этилгансизлар. Шунингдек, миннатдор эканингизни кўрсатинглар.
16 Масиҳнинг сўзлари бутун донолик билан бирга ичингизда тўлиб-тошсин. Худога ҳамдлар айтиб, бир-бирингизга санолару ёқимли маънавий қўшиқлар билан далда* ва таълим беринглар+. Яҳовани* юрагингизда тараннум этинглар+.
17 Нимаики айтсангиз ёки нимаики қилсангиз, ҳаммасини Ҳазратимиз Исо номи билан қилинглар. У орқали Отамиз Худога шукрона айтинглар+.
18 Сиз хотинлар, Ҳазратимизнинг издошларига хос равишда эрларингизга бўйсунинглар+.
19 Сиз эрлар, хотинларингизни севинглар+ ва уларга ғазабланманглар*+.
20 Сиз фарзандлар, ҳар нарсада ота-онангизга қулоқ солинглар+, чунки бу Ҳазратимизга маъқул келади.
21 Сиз оталар, фарзандларингизнинг руҳи тушмаслиги учун, уларнинг ғашини келтирманглар+.
22 Сиз қуллар, ердаги хўжайинларингизга бўйсунинглар+. Аммо буни одамларга маъқул келишга интиладиганлар сингари, хўжа кўрсинга эмас, балки Яҳовадан* қўрқиб, сидқидилдан бажаринглар.
23 Нимаики қилсангизлар, уни одамлар учун эмас, балки Яҳова* учун қилгандек, бажонидил* адо этинглар+.
24 Чунки бунинг учун Яҳовадан* мукофот сифатида мерос олишингизни биласизлар+. Хўжайинингиз Масиҳга қул каби хизмат қилинглар.
25 Ёмонлик қилганга эса қилмишига яраша ёмонлик қайтади+, зеро Худо юзхотирчилик қилмайди+.
Изоҳлар
^ Бу сўз ғоят маданиятсиз одамларга ишлатилган.
^ Ёки «ўй-фикрда камтарлик».
^ Ёки «насиҳат қилиб».
^ Ёки «қўпол муомала қилманглар».
