Левилар 16:1–34
-
Гуноҳни ювиш куни (1–34)
16 Ҳоруннинг иккита ўғли номаъқул тарзда Яҳованинг ҳузурига яқинлашгани учун ҳалок бўлганидан кейин+, Яҳова Мусо билан гаплашди.
2 Яҳова Мусога шундай деб айтди: «Аканг Ҳорунга айт, нобуд бўлмаслиги учун+ парданинг орқасидаги+ Энг муқаддас хонага, аҳд сандиғининг қопқоғи олдига истаган пайтда киравермасин+. Чунки Мен қопқоқнинг устида булут ичида зоҳир бўламан+.
3 Энг муқаддас хонага кирганда, Ҳорун гуноҳ қурбонлиги сифатида+ ёш буқани, куйдириладиган қурбонлик+ қилиб эса қўчқорни келтирсин.
4 У зиғир матосидан тикилган муқаддас узун кийимни+, уятли жойларини ёпиб туриши учун зиғир матосидан қилинган иштонни+ кийсин, белига зиғир матосидан тайёрланган белбоғни+ боғласин ва бошига зиғир матосидан қилинган саллани+ ўрасин. Булар муқаддас либослардир+. Ҳорун чўмилиб олсин+ ва бу кийимларни кийсин.
5 У Исроил ўғилларининг жамоасидан+ иккита ёш такани гуноҳ қурбонлиги, битта қўчқорни куйдириладиган қурбонлик қилиш учун олсин.
6 Ҳорун ўзининг гуноҳлари учун буқани келтириб, ўзининг ҳамда хонадонининг гуноҳларини ювсин+.
7 Сўнг у иккита такани учрашув чодирининг кираверишига, Яҳованинг олдига келтирсин.
8 Ҳорун иккала така учун қуръа* ташлаб, такалардан бирини Яҳова учун, иккинчисини азазел* учун танласин.
9 Ҳорун қуръа бўйича Яҳова учун танланган такани олиб+, уни гуноҳ қурбонлиги қилиб келтирсин.
10 Қуръа бўйича азазел учун танланган такани эса тириклайин Яҳованинг олдига олиб келсин ва гуноҳларни ювиш маросимини ўтказсин. Сўнг азазел учун танланган такани саҳрога қўйиб юборсин+.
11 Ҳорун ўзи учун буқани гуноҳ қурбонлиги сифатида олиб келиб, ўзининг ҳамда хонадонининг гуноҳларини ювсин. У ўзи учун гуноҳ қурбонлиги сифатида олиб келган буқани сўйсин+.
12 Кейин Яҳованинг олдида турган қурбонгоҳдан+ оловкурагига+ чўғ тўлдириб олсин, шунингдек, аъло сифатли хушбўй тутатқидан икки ҳовуч олиб+, парданинг орқасидаги Энг муқаддас хонага кирсин+.
13 У тутатқини Яҳованинг ҳузурида+ чўғ устига қўйсин. Шунда тутатқининг тутуни шоҳидлик сандиғининг+ қопқоғини қоплайди+ ва Ҳорун ўлмайди.
14 У буқанинг қонидан+ бир оз олиб, бармоғи билан қопқоқнинг олдида, шарқ томонга сачратсин ва озгина қонни бармоғи билан қопқоқнинг олдида ерга етти марта сачратсин+.
15 Сўнг халқнинг гуноҳлари учун келтирилган такани сўйсин+ ва қонини парданинг орқасига олиб кирсин+. Буқанинг қони+ билан нима қилган бўлса, таканинг қони билан ҳам шундай йўл тутсин: қонни қопқоқ томонга ва қопқоқнинг олдида ерга сачратсин.
16 У Энг муқаддас хонани Исроил ўғилларининг нопок ишларидан, уларнинг қилмишларидан ва гуноҳларидан покласин+. Нопок Исроил ўғилларининг орасида жойлашган учрашув чодирини ҳам Ҳорун худди шундай покласин.
17 У Энг муқаддас хонага гуноҳларни ювиш учун кирганидан бошлаб то ундан чиққунча, учрашув чодирида ҳеч ким бўлмасин. Ҳорун ўзининг, хонадонининг+ ва бутун Исроил жамоасининг гуноҳларини ювсин+.
18 У ердан чиқиб, Ҳорун Яҳованинг ҳузурида турган қурбонгоҳ олдига борсин+ ва уни гуноҳдан фориғ қилсин. У буқанинг ва таканинг қонидан бир оз олиб, қурбонгоҳнинг ҳар бир шоҳига суртиб чиқсин.
19 У озгина қонни бармоғи билан етти марта қурбонгоҳга сачратиб, уни Исроил ўғилларининг нопокликларидан тозалаб, муқаддас қилсин.
20 Энг муқаддас хонани, учрашув чодирини ҳамда қурбонгоҳни+ гуноҳдан фориғ қилиб бўлгач+, у тирик такани ҳам олиб келсин+.
21 Ҳорун иккала қўлини тирик таканинг боши устига қўйсин ва Исроил ўғилларининг барча хатолари, қилмишлари ва гуноҳларини тан олиб, уларни таканинг бошига юкласин-да+, тайинланган киши орқали уни саҳрога қўйиб юборсин.
22 Така уларнинг ҳамма гуноҳларини чўлга+ олиб кетади+. Шундай қилиб, ўша киши такани саҳрога қўйиб юборсин+.
23 Ҳорун эса учрашув чодирига кириб, Энг муқаддас хонага киришдан олдин кийган зиғир матосидан тикилган либосларини ечсин ва уларни ўша ерда қолдирсин.
24 У муқаддас жойда чўмилсин+ ва одатда кийиб юрадиган кийимларини кийсин+. Сўнг чиқиб, ўзининг+ ва халқнинг+ гуноҳларини ювиш учун, ўзи ва халқ олиб келган гуноҳ қурбонликларини келтирсин+.
25 У гуноҳ қурбонлигининг ёғини қурбонгоҳда куйдирсин.
26 Азазел учун танланган такани+ саҳрога қўйиб юборган киши кийимларини ювсин ва чўмилсин. Шундан кейингина у қароргоҳга кириши мумкин.
27 Гуноҳ ювилиши учун қони Энг муқаддас хонага олиб кирилган, гуноҳ қурбонлиги сифатида келтирилган буқа ва така қароргоҳ ташқарисига олиб чиқилсин. Жонлиқларнинг териси, гўшти ва гўнги оловда куйдирилсин+.
28 Уларни куйдирган киши кийимларини ювиб, чўмилсин. Шундан кейингина у қароргоҳга кириши мумкин.
29 Қуйидагилар асрлар оша сизлар учун қоида бўлсин: еттинчи ойнинг ўнинчи куни қилган гуноҳларингиздан пушаймон эканингизни кўрсатинглар*. Ўша куни исроиллик ҳам, ораларингизда яшаётган мусофир ҳам ҳеч қандай иш қилмасин+.
30 Пок деб эълон қилинишингиз учун, шу куни гуноҳларингиз ювилади+. Яҳованинг назарида ҳамма гуноҳингиздан фориғ бўласизлар+.
31 Ушбу кун тўлиқ дам олинадиган Шаббатдир. Бу куни гуноҳларингиздан пушаймон эканингизни кўрсатинглар+. Бу, асрлар давомида амал қилинадиган қоидадир.
32 Мойланиб+ отасининг ўрнига+ руҳоний бўлиб хизмат қилишга тайинланган руҳоний+ гуноҳларни ювсин ва зиғир матосидан тикилган муқаддас либосларни кийсин+.
33 У Энг муқаддас хонани+, учрашув чодирини+ ҳамда қурбонгоҳни+ гуноҳдан фориғ қилсин. Шунингдек, руҳонийларнинг ва бутун Исроил халқининг гуноҳларини ювсин+.
34 Йилига бир марта Исроил ўғилларининг барча гуноҳлари ювилишига тегишли қоида шудир+. Бу қоидага асрлар оша риоя этилсин»+.
Ҳорун ҳаммасини Яҳова Мусога буюргандек қилди.
Изоҳлар
^ Бу, рўза тутишни ва шу каби чекловларни ўз ичига олиши мумкин.
