Саҳрода 2:1–34
2 Яҳова Мусо билан Ҳорунга шундай деди:
2 «Исроил ўғиллари учта қабиладан таркиб топган бўлинмаси жойлашган+, ўз хонадонининг белгиси турган жойга қароргоҳ қуришсин. Улар қароргоҳларини учрашув чодири турган жойга қаратиб, унинг атрофига қуришсин.
3 Унинг шарқига, кунчиқар тарафига Яҳудо қабиласи бошчилиги остидаги учта қабиладан таркиб топган бўлинма ўз гуруҳлари* бўйича жойлашсин. Яҳудо қабиласининг боши Оминадов ўғли Нахшўн+.
4 Унинг рўйхатдан ўтган аскарларининг сони 74 600 кишидан иборат+.
5 Унинг ёнига Иссахор қабиласи жойлашсин. Иссахор қабиласининг йўлбошчиси Зувор ўғли Натанил+.
6 Унинг рўйхатдан ўтган аскарларининг сони 54 400 кишидан иборат+.
7 Ундан кейин эса Забулун қабиласи жойлашсин. Забулун қабиласининг йўлбошчиси Халон ўғли Элиёб+.
8 Унинг рўйхатдан ўтган аскарларининг сони 57 400 кишидан иборат+.
9 Яҳудо қабиласининг қароргоҳидаги рўйхатдан ўтган аскарларнинг умумий сони 186 400 кишидан иборат. Улар биринчи бўлиб йўлга чиқишсин+.
10 Жануб томонига Рубен+ қабиласининг қароргоҳидаги учта қабиладан таркиб топган бўлинма ўз гуруҳлари бўйича жойлашсин. Рубен қабиласининг йўлбошчиси Шадувор ўғли Элизур+.
11 Унинг рўйхатдан ўтган аскарларининг сони 46 500 кишидан иборат+.
12 Унинг ёнига Шимўн қабиласи жойлашсин. Шимўн қабиласининг йўлбошчиси Зуришадай ўғли Шалумиёл+.
13 Унинг рўйхатдан ўтган аскарларининг сони 59 300 кишидан иборат+.
14 Ундан кейин эса Гад қабиласи жойлашсин. Гад қабиласининг йўлбошчиси Рувел ўғли Элиасаф+.
15 Унинг рўйхатдан ўтган аскарларининг сони 45 650 кишидан иборат+.
16 Рубен қабиласининг қароргоҳидаги рўйхатдан ўтган аскарларнинг умумий сони 151 450 кишидан иборат. Улар иккинчи бўлиб йўлга чиқишсин+.
17 Учрашув чодири олиб кетилиши керак бўлганда+, левилар қароргоҳи бошқа қароргоҳларнинг ўртасида бўлсин.
Қабилалар қароргоҳда қандай жойлашган бўлса, шундай тартибда, учта қабиладан иборат бўлинмаси бўйича, ҳар бири ўз ўрнида ҳаракатлансин+.
18 Ғарб томонига Эфрайим қабиласининг қароргоҳидаги учта қабиладан таркиб топган бўлинма ўз гуруҳлари бўйича жойлашсин. Эфрайим қабиласининг йўлбошчиси Омиҳуд ўғли Элишама+.
19 Унинг рўйхатдан ўтган аскарларининг сони 40 500 кишидан иборат+.
20 Унинг ёнига Манаше+ қабиласи жойлашсин. Манаше қабиласининг йўлбошчиси Падозур ўғли Гамалиэл+.
21 Унинг рўйхатдан ўтган аскарларининг сони 32 200 кишидан иборат+.
22 Ундан кейин эса Бенямин қабиласи жойлашсин. Бенямин қабиласининг йўлбошчиси Гидўнах ўғли Авидон+.
23 Унинг рўйхатдан ўтган аскарларининг сони 35 400 кишидан иборат+.
24 Эфрайим қабиласининг қароргоҳидаги рўйхатдан ўтган аскарларнинг умумий сони 108 100 кишидан иборат. Улар учинчи бўлиб йўлга чиқишсин+.
25 Шимол томонига Дан қабиласининг қароргоҳидаги учта қабиладан таркиб топган бўлинма ўз гуруҳлари бўйича жойлашсин. Дан қабиласининг йўлбошчиси Омишадай ўғли Охазар+.
26 Унинг рўйхатдан ўтган аскарларининг сони 62 700 кишидан иборат+.
27 Унинг ёнига Ошер қабиласи жойлашсин. Ошер қабиласининг йўлбошчиси Охрон ўғли Пахиёл+.
28 Унинг рўйхатдан ўтган аскарларининг сони 41 500 кишидан иборат+.
29 Ундан кейин эса Нафтали қабиласи жойлашсин. Нафтали қабиласининг йўлбошчиси Энан ўғли Охир+.
30 Унинг рўйхатдан ўтган аскарларининг сони 53 400 кишидан иборат+.
31 Дан қабиласининг қароргоҳидаги рўйхатдан ўтган аскарларнинг умумий сони 157 600 кишидан иборат. Учта қабиладан таркиб топган ушбу бўлинма учта қабиладан таркиб топган бошқа бўлинмалар орасидан охирги бўлиб йўлга чиқсин»+.
32 Булар — Исроил ўғиллари орасидан хонадонлари бўйича рўйхатдан ўтган кишилар. Қўшинлари бўйича рўйхатдан ўтган аскарлар, жами бўлиб 603 550 кишини ташкил этди+.
33 Бироқ левилар Яҳова Мусога буюрганидай, бошқа қабилалар қатори+ рўйхатдан ўтказилмади+.
34 Исроил халқи ҳаммасини Яҳова Мусога буюргандай бажарди. Улар учта қабиладан таркиб топган бўлинмалар бўйича жойлашишди+, йўлга отланганда ҳам шундай тартибда+, ҳар бири ўз оиласи ва хонадонлари билан бирга йўлга чиқди.
Изоҳлар
^ Сўзма-сўз «қўшинлари».