Саҳрода 23:1–30
23 Сўнг Балом Болоққа: «Шу ерда мен учун еттита қурбонгоҳ қуриб+, еттита буқа ва еттита қўчқор тайёрлаб қўйинг»,— деди.
2 Болоқ дарҳол Балом айтгандай қилди. Кейин Болоқ билан Балом ҳар бир қурбонгоҳда биттадан буқани ва биттадан қўчқорни қурбонликка келтиришди+.
3 Ундан кейин Балом Болоққа: «Куйдирилган қурбонлигингиз олдида туринг, мен эса борай-чи, балки Яҳова мен билан гаплашар. У менга нимани маълум қилса, сизга айтиб бераман»,— деди. Сўнг Балом тепаликка чиқди.
4 Худо Балом билан гаплашди+. Балом Унга: «Мен еттита қурбонгоҳни бир қаторга ўрнатиб, ҳар бир қурбонгоҳда биттадан буқа ва биттадан қўчқорни қурбон қилдим»,— деди.
5 Яҳова мана бу сўзларни Баломнинг оғзига солиб+, унга: «Болоқнинг ёнига қайтиб бор-да, қуйидагиларни етказ»,— деди.
6 Балом орқага қайтди. Қараса, Болоқ ҳамда Мўабнинг ҳамма беклари куйдирилган қурбонлик олдида туришган экан.
7 Сўнг у шундай деб гап бошлади+:
«Мўаб шоҳи Болоқ, мени Оромдан+,Шарқ тоғларидан:
“Келиб Ёқубни лаънатла.
Ҳа, Исроилни ҳукм қилгани кел”+,— дея бошлаб келди.
8 Тангри лаънатламаганларни мен қандай лаънатлайин?
Яҳова ҳукм қилмаганларни қандай ҳукм қилайин?+
9 Қоялар устидан мен уларни кўрдим,Тепаликлар устидан уларни кўрдим.
Улар бир халқ бўлиб алоҳида яшар+.Улар қўшмас ўзини бошқа халқлар қаторига+.
10 Ёқубнинг қумдай кўп оломонин ким санай олар?!+Исроилнинг чорак қисмини ким ҳисоблай олар?!
Қанийди, ўлсам мен тўғрилар каби,Охиратим бўлсайди уларникидай».
11 Шунда Болоқ Баломга: «Бу нима қилганинг? Мен сени душманларимни лаънатла, деб бошлаб келсам-у, сен бўлса нуқул уларни дуо қилиб ётибсан»+,— деди.
12 У эса: «Яҳова оғзимга солган сўзларни гапиришим керак эмасми?»+ — деб жавоб берди.
13 Болоқ эса унга: «Илтимос, мен билан юр. Уларни кўра олишинг учун сени бошқа жойга олиб бораман. Сен у ердан уларнинг ҳаммасини эмас, фақат бир қисмини кўрасан. Ўша ердан туриб уларни мен учун лаънатла»+,— деди.
14 Болоқ уни Фисгах чўққисидаги+ Зўфим деган жойга олиб борди ва еттита қурбонгоҳ қуриб, ҳар бир қурбонгоҳда биттадан буқани ва биттадан қўчқорни қурбон қилди+.
15 Шунда Балом Болоққа: «Мен нарёқда У билан гаплашиб келгунимча, куйдирилган қурбонлигингиз олдида туринг»,— деди.
16 Сўнг Яҳова Балом билан гаплашиб, айтадиган сўзларини унинг оғзига солди-да+: «Болоқнинг ёнига қайтиб бор-да, қуйидагиларни етказ»,— деди.
17 Балом Болоқнинг олдига келганида, у куйдирилган қурбонлиги олдида турганини, Мўаб беклари ҳам у билан бирга эканини кўрди. Болоқ ундан: «Яҳова сенга нима деди?» — деб сўради.
18 У шундай деб гап бошлади+:
«Эй Болоқ, ўрнингдан тур ва тингла.
Эй Зиппур ўғли, менга қулоқ сол.
19 Аллоҳ инсон эмаски ёлғон гапирса+,Инсон ўғли эмаски фикридан қайтса*+.
Наҳотки У айтганини бажармай қўйса?!
Наҳотки сўзларини рўёбга чиқармаса?!+
20 Мана, мен дуо қилиш учун олиб келинганман.У баракасини берди+ ва мен буни ўзгартира олмайман+.
21 У Ёқубга қарши сеҳрли куч ишлатилишига,Исроилнинг бошига кулфат тушишига йўл қўймайди.
Тангриси Яҳова у биландир+,У уларнинг орасида шоҳ деб эълон қилинган.
22 Худо уларни Мисрдан олиб чиқди+.
У улар учун ёввойи буқанинг шохлари кабидир+.
23 Ёқубга қарши ҳеч қандай дуойи бад йўқдир+,Исроилга қарши ҳеч қандай фол йўқдир+.
Энди Ёқуб билан Исроил ҳақида:
“Аллоҳнинг буюк ишига бир қаранг!” — деб айтишар.
24 Мана, шерга ўхшаб ўрнидан турадиган халқ,У арслондек ўрнидан кўтарилади+.
Ўлжасини еб битирмагунча,Ўлдирилганларнинг қонини ичиб қонмагунча ётмайди».
25 Шунда Болоқ Баломга: «Агар лаънат айтолмасанг, ҳеч бўлмаганда дуо ҳам қилмагин!» — деди.
26 Балом унга: «Мен сизга: Яҳова менга нима деса шуни қиламан, демаганмидим?»+ — деб жавоб берди.
27 Болоқ эса Баломга: «Илтимос, мен билан юр, сени бошқа жойга олиб бораман. Балки ҳақ Тангри бу халқни мен учун ўша жойда лаънатлашингни маъқул кўрар»+,— деб айтди.
28 Болоқ Баломни олиб, Йишмон* манзараси+ кўринадиган Пиёр тепалигига чиқди.
29 Сўнг Балом Болоққа: «Шу ерда мен учун еттита қурбонгоҳ қуриб, еттита буқа ва еттита қўчқор тайёрлаб қўйинг»+,— деди.
30 Болоқ Балом айтгандай қилди ва ҳар бир қурбонгоҳда биттадан буқа ва биттадан қўчқорни қурбон қилди.
