Саҳрода 33:1–56
33 Мусо ва Ҳоруннинг+ бошчилигида гуруҳларга* бўлинган ҳолда+ Миср юртидан чиққан+ Исроил халқи сафар давомида бир ердан бошқа ерга кўчиб юрди.
2 Яҳованинг буйруғи билан Мусо уларнинг кўчиб юрган жойларини ёзиб борди. Улар бир ердан бошқа ерга кўчиб ўтган жойлар қуйидагичадир+:
3 улар биринчи ойнинг+ 15- кунида Рамзесдан+ йўлга чиқдилар. Фисиҳ байрамидан+ кейинги куниёқ Исроил ўғиллари дадиллик билан мисрликларнинг кўз ўнгида чиқиб кетишди.
4 Бу пайт мисрликлар Яҳова нобуд қилган тўнғичларини дафн этаётган эдилар+. Шу тариқа, Яҳова уларнинг худолари устидан Ўз ҳукмларини амалга оширган эди+.
5 Исроил ўғиллари Рамзесдан йўлга чиқиб, Сухўтда қароргоҳ қуришди+.
6 Сўнг улар Сухўтдан йўлга чиқишди ва саҳро чеккасидаги Этхамда қароргоҳ қуришди+.
7 Этхамдан йўлга чиқиб, Баал-Зафўн қаршисидаги Пий-Хахирўт+ томон бурилишди ва Мигдол яқинида қароргоҳ қуришди+.
8 Кейин Пий-Хахирўтдан йўлга чиқиб, денгизнинг ўртасидан ўтишди-да+ саҳро томонга йўл олишди+. Этхам саҳросида+ уч кун йўл юргач, Марога бориб қароргоҳ қуришди+.
9 Марони тарк этиб, Илимга етиб келишди. Илимда 12 та булоқ ва 70 та пальма дарахти бор эди. Улар ўша ерда қароргоҳ қуришди+.
10 Сўнг Илимдан йўлга чиқишди ва Қизил денгиз бўйида қароргоҳ қуришди.
11 Қизил денгиздан йўлга чиқиб, Син саҳросида қароргоҳ қуришди+.
12 Кейин Син саҳросидан йўлга чиқиб, Дофкахда қароргоҳ қуришди.
13 Вақт ўтиб Дофкахни тарк этиб, Элишда қароргоҳ қуришди.
14 Сўнг улар Элишдан йўлга чиқиб, Рафидимда қароргоҳ қуришди+. У ерда халқ ичиши учун сув йўқ эди.
15 Кейин Рафидимдан кетиб, Синай саҳросида қароргоҳ қуришди+.
16 Синай саҳросидан йўлга чиқиб, Хиврут-Хаттавода+ қароргоҳ қуришди.
17 Сўнг Хиврут-Хаттаводан йўлга чиқишди ва Хазерўтда қароргоҳ қуришди+.
18 Хазерўтдан ҳам йўлга чиқиб, Ритмада қароргоҳ қуришди.
19 Кейин Ритмани тарк этиб, Риммон-Паразда қароргоҳ қуришди.
20 Сўнг Риммон-Паразни тарк этиб, Либнада қароргоҳ қуришди.
21 Либнадан йўлга чиқишди ва Риссада қароргоҳ қуришди.
22 Кейин Риссадан йўлга чиқиб, Кахелетахда қароргоҳ қуришди.
23 Сўнг Кахелетахдан йўлга чиқиб, Шафер тоғи ёнида қароргоҳ қуришди.
24 Шундан кейин Шафер тоғи ёнидан кетиб, Харадахда қароргоҳ қуришди.
25 Сўнг Харадахдан йўлга чиқиб, Макхилўтда қароргоҳ қуришди.
26 Кейин Макхилўтдан йўлга чиқиб+, Тахатда қароргоҳ қуришди.
27 Тахатни ҳам тарк этиб, Тераҳда қароргоҳ қуришди.
28 Тераҳдан йўлга чиқиб, Миткада қароргоҳ қуришди.
29 Вақт ўтгач улар Миткадан йўлга чиқишди ва Хашмонахда қароргоҳ қуришди.
30 Сўнг Хашмонахни тарк этиб, Мосарўтда қароргоҳ қуришди.
31 Мосарўтни ҳам тарк этиб, Банияқонда+ қароргоҳ қуришди.
32 Кейин Банияқондан йўлга чиқиб, Хор-Хагигадда қароргоҳ қуришди.
33 Сўнг Хор-Хагигаддан йўлга чиқиб, Ётботода+ қароргоҳ қуришди.
34 Вақт ўтгач улар Ётботодан йўлга чиқиб, Аврўнда қароргоҳ қуришди.
35 Кейин Аврўндан йўлга чиқиб, Эзйўн-Геберда+ қароргоҳ қуришди.
36 Шундан кейин улар Эзйўн-Гебердан йўлга чиқишди ва Зин саҳросида+, яъни Кадешда қароргоҳ қуришди.
37 Вақт ўтгач улар Кадешни тарк этишди ва Хўр тоғи+ яқинида, Эдом юртининг чегарасида қароргоҳ қуришди.
38 Руҳоний Ҳорун Яҳованинг буйруғига биноан Хўр тоғига чиқди ва Исроил ўғиллари Мисрдан чиқишганининг 40- йили, бешинчи ойнинг биринчи кунида ўша ерда вафот этди+.
39 Ҳорун Хўр тоғида вафот этганда 123 ёшда эди.
40 Канъон юртидаги Нагавда яшайдиган канъонлик Арод шоҳи+ Исроил ўғилларининг келганини эшитди.
41 Ўшанда улар Хўр тоғини тарк этиб+, Залмўнода қароргоҳ қуришган эди.
42 Шундан кейин улар Залмўнони тарк этиб, Пунонда қароргоҳ қуришди.
43 Пунонни ҳам тарк этиб, Обўтда қароргоҳ қуришди+.
44 Сўнг Обўтни тарк этиб, Ивай-Аборимда, Мўаб+ чегарасида қароргоҳ қуришди.
45 Вақт ўтгач улар Ийимни* тарк этиб, Дибон-Гадда+ қароргоҳ қуришди.
46 Кейин Дибон-Гаддан йўлга чиқиб, Элмон-Диблатайимда қароргоҳ қуришди.
47 Сўнг Элмон-Диблатайимдан йўлга чиқиб, Навонинг+ қаршисидаги Аборим тоғларида+ қароргоҳ қуришди.
48 Ниҳоят, улар Аборим тоғларини тарк этишди ва Мўаб даштларига, Иордан бўйига, яъни Ерихонинг яқинига келиб қароргоҳ қуришди+.
49 Улар Иордан бўйида, яъни Мўаб даштларида, Байт-Яшимўтдан то Овил-Шитимгача қароргоҳ қуришди+.
50 Яҳова Мўаб даштларида, Иордан бўйида, яъни Ерихо яқинида Мусога шундай деб айтди:
51 «Исроил ўғилларига мана бу гапларимни етказ: “Сизлар Канъон юртига, Иорданнинг нарёғига ўтяпсизлар+.
52 Ўша юртнинг бутун аҳолисини олдингиздан ҳайдаб чиқаринглар ва ҳамма ўйма тошларинию қуйма бутларини*+ йўқ қилиб+, барча муқаддас тепаликларини бузиб ташланглар+.
53 Сизлар ўша юртни мулк қилиб олиб, унда яшайсизлар. Чунки Мен юртни сизларга мулк қилиб бераман+.
54 Юртни қуръа ташлаб+ оилаларингиз орасида тақсимланглар. Каттароқ оилага кўпроқ, кичикроғига эса камроқ ер берилсин+. Кимнинг қуръаси қаерга тушса, ўша ер унинг мулкига айланади. Оталарингизнинг қабиласига кўра мулкни мерос қилиб оласизлар+.
55 Борди-ю, ўша юртнинг аҳолисини олдингиздан ҳайдаб чиқармасангизлар+, улар кўзларингизга кирган зирапчадай, биқинингизга суқилган тиканлардай бўлиб, яшайдиган юртингизда сизларга тинчлик бермайдилар+.
56 Шунда уларга юбормоқчи бўлган жазони сизларга юбораман”+».
Изоҳлар
^ Сўзма-сўз «қўшинларга».
^ Ивай-Аборимнинг қисқа шакли бўлиши мумкин.
^ Ёки «металл ҳайкалларини».
