Саҳрода 34:1–29
34 Яҳова Мусога яна шундай деб айтди:
2 «Исроил ўғилларига мана бу йўл-йўриқларни етказ: “Сизлар Канъон юртига+ кирганингизда, сизларга мерос бўлиб ўтадиган ушбу Канъон юрти ва унинг чегаралари қуйидагилардан иборат бўлади+:
3 Жанубий чегарангиз Эдом ёнидаги Зин саҳроси бўйлаб чўзилади. Шарқда эса жанубий чегарангиз Туз денгизининг* қирғоғидан бошланади+.
4 Чегарангиз Акрабим қиялигининг+ жанубидан қайрилиб, Зингача давом этади ва Кадеш-Барнанинг жанубига етиб тўхтайди+. Сўнг Хазор-Аддар томонгача+, ундан кейин Озмонгача чўзилади.
5 Озмондан чегарангиз Миср водийси* томонга йўналишини ўзгартириб, Буюк денгизга* бориб тақалади+.
6 Ғарбий чегарангиз Буюк денгиз ва унинг қирғоғи бўлади. Бу, ғарбий чегарангиз бўлади+.
7 Шимолий чегарангиз эса қуйидагича бўлади: Буюк денгиздан Хўр тоғигача* чегарангизни белгилаб чиқинглар.
8 Чегарангизни Хўр тоғидан Лево-Хоматгача*+ белгилаб чиқинглар ва чегара Задодга етиб тўхтасин+.
9 Кейин Зифрўнгача чўзилиб, Хазор-Энанга етиб тўхтасин+. Бу, шимолий чегарангиз бўлади.
10 Шарқ томонда чегарангизни Хазор-Энандан Шафомгача белгилаб чиқинглар.
11 Чегара Шафомдан Ойиннинг шарқидаги Ривлогача чўзилиб, Кенерет денгизининг*+ шарқидаги қияликларгача етиб боради.
12 Кейин Иордангача чўзилиб, Туз денгизига бориб тўхтайди+. Шу чегараларгача чўзилган ер сизларнинг юртингиз бўлади”+».
13 Мусо бу йўл-йўриқларни Исроил ўғилларига етказди: «Яҳова тўққизта ва битта қабиланинг ярмига* беришни буюрган ва сизлар қуръа ташлаб+, мулк сифатида бўлишиб оладиган ер мана шудир.
14 Чунки Рубен қабиласи хонадони бўйича, Гад қабиласи хонадони бўйича ва Манаше қабиласининг ярми ўз меросини олиб бўлди+.
15 Шу иккита қабила ва битта қабиланинг ярми кунчиқар томондан, Ерихо қаршисидаги Иордан ҳудудининг шарқ тарафидан ўз меросини олди»+.
16 Яҳова Мусога яна бундай деб айтди:
17 «Сизларга ерни мулк сифатида руҳоний Элазар+ билан Нун ўғли Ёшуа+ бўлиб беради.
18 Ерни мерос сифатида тақсимлашга ёрдам бериш учун, ҳар бир қабиладан биттадан йўлбошчи тайинланглар+.
19 Бу кишиларнинг исмлари қуйидагича: Яҳудо қабиласидан+ Яфунах ўғли Холиб+;
20 Шимўн қабиласидан+ Омиҳуд ўғли Шемуил;
21 Бенямин қабиласидан+ Хислон ўғли Элидод;
22 Дан қабиласидан+ йўлбошчи Яхли ўғли Букки;
23 Юсуфнинг ўғли+ Манаше қабиласидан+ йўлбошчи Эфўд ўғли Ханниэл;
24 Эфрайим қабиласидан+ йўлбошчи Шифтон ўғли Камувол;
25 Забулун қабиласидан+ йўлбошчи Парнўх ўғли Элизофон;
26 Иссахор қабиласидан+ йўлбошчи Оззон ўғли Палтиёл;
27 Ошер қабиласидан+ йўлбошчи Шалуми ўғли Охихуд;
28 Нафтали қабиласидан+ йўлбошчи Омиҳуд ўғли Падаҳиёл».
29 Яҳова Канъон юртини Исроил ўғилларига бўлиб беришни шу кишиларга буюрди+.
Изоҳлар
^ Яъни Ўлик денгиз.
^ Яъни Ўрта денгиз.
^ Қаерда жойлашгани номаълум; Ливан тоғ тизмасининг чўққиси бўлиши мумкин.
^ Ёки «Хоматнинг остонасигача».
^ Аслида бу кўл. Муқаддас Китобда Генисарет кўли, Жалила ва Тиверия денгизи деб номланади.
^ Манаше қабиласининг ярми.
