Ҳизқиё 19:1–14
-
Исроил йўлбошчилари ҳақида мотам қўшиғи (1–14)
19 «Исроил йўлбошчилари ҳақида мотам қўшиғини куйла.
2 Шундай дегин:“Сенинг онанг шерлар орасидаги урғочи шерга ўхшарди.
У кучли ёш шерлар* орасида ётарди ва болаларини катта қиларди.
3 У болаларидан бирини катта қилди ва у кучли ёш шерга айланди+.
Ёш шер ўлжани тилка-пора қилишни ўрганди,У ҳатто одамларни ейдиган бўлди.
4 Халқлар у ҳақда эшитишди ва уни ўзлари қазиган чоҳга туширишди,Бурнидан илгак ўтказиб, уни Миср юртига олиб боришди+.
5 Урғочи шер кутди ва унинг қайтишига умид йўқлигини кўрди.
У бошқа боласини кучли ёш шер қилиб ўстирди.
6 У ҳам шерлар орасида юриб, кучли ёш шерга айланди.
Ўлжани тилка-пора қилишни ўрганди, ҳатто одамларни ейдиган бўлди+.
7 У одамларнинг мустаҳкам миноралари орасида изғиб, шаҳарларини вайрон қилди.Кимсасиз юрт бўйлаб унинг бўкириши эшитиларди+.
8 Атрофдаги халқлар унга қарши чиқиб, устига тўр ташлашди.Шер улар қазиган чоҳга тушди.
9 Бурнидан илгак ўтказиб, тортиб қафасга солишди ва Бобил шоҳи олдига олиб боришди.
Исроил тоғларида овози бошқа эшитилмаслиги учун, уни ўша ерда қамаб қўйишди.
10 Онанг сувлар бўйига ўтқазилган ток* каби эди+.
Сув сероблигидан у серҳосил ва серновда эди.
11 Новдалари бақувват бўлиб ўсди, шоҳларнинг салтанат ҳассасини ясашга арзигулик эди.
У ўсиб бошқа дарахтлардан ҳам баланд бўлди,Баландлиги ва сербарглиги туфайли кўзга ташланарди.
12 Аммо у ғазаб ила қўпориб ташланди+ ва ерга улоқтирилди,Шарқ шамоли унинг меваларини қуритиб юборди.
Унинг бақувват новдалари синдириб олинди ва қуриб қолди+, уларни олов ютиб юборди+.
13 Энди ток саҳрога,Сувсиз, қақраган ерга экилди+.
14 Новдаларидан олов чиқиб, бутоқлари ва меваларини нобуд қилди.Салтанат ҳассаси бўлиш учун бирорта ҳам бақувват новдаси қолмади+.
Бу — машҳур мотам қўшиғи бўлади”».
