Ҳизқиё 30:1–26
30 Яҳова менга яна сўзини аён қилди:
2 «Эй инсон ўғли, башорат қилиб айт: “Олий Ҳукмдор Яҳова демоқда:
“Йиғлаб: “Эвоҳ, ўша кун келяпти!” — денглар.
3 Зеро бу кун яқиндир, ҳа, Яҳованинг куни яқин+.
Бу, қора булутлар куни+, халқларни ҳукм қилиш вақти бўлади+.
4 Миср устига қилич келади. Мисрда одамлар ўлганида, Ҳабашистонни қўрқув қамраб олади.Унинг бойлиги тортиб олиниб, пойдевори бузиб ташланади+.
5 Ҳабашистон+, Фут+, Луд ва турли халқлардан бўлган барча одамлар,Аҳд юртининг ўғиллари* билан бирга Хуб ҳамҚиличдан ҳалок бўлади”.
6 Яҳова шундай демоқда:
“Мисрни қўллаб-қувватлаганлар ҳам ўлади,Унинг мағрурлиги ва қудратидан асар ҳам қолмайди”+.
Олий Ҳукмдор Яҳова демоқда: “Мигдолдан+ Саванайгача+ юрт бўйлаб улар қиличдан ҳалок бўлади.
7 Улар энг кимсасиз юртга, унинг шаҳарлари эса энг ҳувуллаган шаҳарларга айланади+.
8 Мисрга ўт қўйиб, барча иттифоқчиларини йўқ қилганимда, Мен Яҳова эканимни билиб олишади.
9 Ўзига бино қўйган Ҳабашистонни қўрқитиш учун, ўша куни кемаларда хабарчилар юбораман. Мисрнинг ҳалокат куни келганида, уларни ваҳима босади. Бу кун албатта келади”.
10 Олий Ҳукмдор Яҳова демоқда: “Бобил шоҳи Навуходоносорнинг қўли билан Миср тўдаларини йўқ қиламан+.
11 У ва унинг қўшини — халқларнинг энг шафқатсизи+ юртни вайрон қилади. Улар Мисрга қарши қилич яланғочлаб, юртни жасадларга тўлдиришади+.
12 Мен Нил анҳорларини қуритиб юбораман+, юртни эса золимларга сотаман. Бегоналарнинг қўли билан юртни ва ундаги барча нарсани хароб қиламан+. Зеро, буни Мен — Яҳова айтдим”.
13 Олий Ҳукмдор Яҳова демоқда: “Мен жирканч бутларни* йўқ қилиб, Нуфнинг* фойдасиз худоларига барҳам бераман+. Энди ҳеч қачон Миср юртидан йўлбошчи чиқмайди. Мен Миср юртини ваҳимага соламан+.
14 Патрўсни+ вайрон қилиб, Зўванга ўт қўяман, Нў* устидан ҳукмимни ижро этаман+.
15 Мисрнинг қалъаси бўлмиш Син устига қаҳримни тўкиб, Нўда яшовчиларни қириб ташлайман.
16 Мисрга ўт қўяман. Синни қўрқув босади, Нўнинг деворини ёриб киришади , Нуфга эса куппа-кундузи ҳужум қилинади!
17 Он* ва Пи-Башат йигитлари қиличдан ҳалок бўлишади, шаҳарларда яшовчилар эса асир қилиб олиб кетилади.
18 Тахпанхасда Мисрнинг бўйинтуруғини синдирганимда, кун зулматга айланади+. Унинг мағрурлиги ва қудрати ўз якунига етади+. Уни булутлар қоплайди, унинг шаҳарларида яшовчилар эса асир қилиб олиб кетилади+.
19 Мен Мисрга чиқарган ҳукмимни амалга ошираман. Шунда улар Мен Яҳова эканимни билиб олишади”».
20 Ўн биринчи йил, биринчи ойнинг еттинчи кунида Яҳова менга сўзини аён қилди:
21 «Эй инсон ўғли, Миср фиръавнининг қўлини синдирдим. Тузалиши учун ҳеч ким унинг қўлини боғламайди ёки қилич кўтаришга қуввати етиши учун ҳеч ким унинг қўлини ўраб қўймайди.
22 Олий Ҳукмдор Яҳова демоқда: “Мана, Мен Миср фиръавнига қарши чиқяпман+. Унинг соғ ва синган қўлини синдираман+. Шундай қиламанки, қилич қўлидан тушиб кетади+.
23 Бундан кейин мисрликларни халқлар орасига, юртлар бўйлаб тарқатиб юбораман+.
24 Мен Бобил шоҳининг қўлларини мустаҳкамлайман+ ва қўлига қиличимни бериб+, фиръавннинг қўлларини синдираман. Шунда у Бобил шоҳи олдида ўлаётган инсондек қаттиқ инграйди.
25 Мен Бобил шоҳининг қўлларини мустаҳкамлайман, фиръавннинг қўллари эса чўлоқ бўлиб қолади. Бобил шоҳининг қўлига қиличимни тутқазганимда ва у қилични Миср юртига қарши ишлатганида+, Мен Яҳова эканимни билиб олишади.
26 Мен мисрликларни халқлар орасига, юртлар бўйлаб тарқатиб юбораман+. Шунда улар Мен Яҳова эканимни билиб олишади”».
Изоҳлар
^ Миср билан иттифоқ тузган исроилликлар назарда тутилган бўлиши мумкин.
^ Ёки «Мемфис».
^ Ибронийча бу атама эҳтимол, «гўнг» сўзига яқин бўлиб, ҳазар қилишни ифодалаш мақсадида қўлланилади.
^ Яъни Фива.
^ Яъни Гелиополис.
