Ҳўшея 6:1–11
6 «Келинг, Яҳовага қайтайлик!У бизни тилка-пора қилди+, лекин Ўзи шифо беради.
Бизни жароҳатлади, аммо ярамизни Ўзи боғлайди.
2 Икки кундан кейин бизни тирилтиради.
Учинчи куни бизни оёққа турғизади,Биз Унинг ҳузурида яшаймиз.
3 Келинг, Яҳовани таниб-билайлик, Уни яхшироқ билишга интилайлик.
Тонгда қуёш чиққанидай, Унинг келиши ҳам муқаррар.У худди жаладай,Ерни суғорган баҳор ёмғиридай келади».
4 «Эй Эфрайим, сени нима қилсам экан?
Эй Яҳудо, сени-чи, нима қилай?
Зеро, меҳр-садоқатингиз тонгги булутдай,Тезда йўқ бўлиб кетадиган шудринг кабидир.
5 Шу боис, сени пайғамбарлар орқали чопиб ташлайман+.Оғзимдан чиққан сўзлар билан ҳалок этаман+,
Сенга чиқарилган ҳукмлар нурдай порлайди+.
6 Ахир Менга қурбонлик эмас, меҳр-садоқат,Бутунлай куйдириладиган қурбонликлар эмас, Худони таниб-билишингиз ёқади+.
7 Бироқ халқим ўткинчи инсон сингари аҳдни бузди+.
Улар ўша ерда Менга хиёнат қилди.
8 Гилад — ёмонлик қилувчиларнинг шаҳри+,У қон изларига тўладир+.
9 Руҳонийлар — пистирмада ётган босқинчилар тўдасига ўхшайди.
Улар Шакам+ йўлида қотиллик қилади,Чунки улар уятсиздир.
10 Исроил хонадонида даҳшатли бир нарсани кўрдим.
Эфрайим у ерда фоҳишалик қилади+,Исроил ўзини булғайди+.
11 Эй Яҳудо, сен учун ўрим-йиғим вақти белгиланди,Ўшанда халқимни асирликдан қайтараман»+.
