Ҳўшея 8:1–14
8 «Бурғу чалинг!+
Ёв худди бургутдай Яҳованинг уйига келяпти+,Чунки улар аҳдимни бузиб+, қонунимни поймол қилди+.
2 Улар: “Эй Худойимиз, биз, Исроил халқи, Сени биламиз!” — деб ёлворяпти+.
3 Исроил яхшиликни рад этди+.
Душман уни таъқиб этсин.
4 Улар Менсиз шоҳлар тайинлади,
Розилигимни олмай беклар қўйди.
Ўзларини ҳалокатга дучор қилиб+,Кумушу олтинидан бутлар ясади+.
5 Эй Самария, сен ясаган бузоқни улоқтирдим!+
Ғазабим уларга қарши аланга олди+.
Қачонгача улар ўзларини покламай юради?
6 Бу, Исроилнинг ишидир.
Уни ҳунарманд ясаган, у Худо эмас.Самария ясаган бузоқ парчалаб ташланади.
7 Улар шамол эккани учунБўрон ўриб олади+.
Буғдой бошоқ чиқармайди+,Донлари ун бермайди.
Бирор нарса ўсиб чиқса ҳам бегоналар ейди+.
8 Исроилни душман ютиб юборади+.
Улар халқлар орасида+Фойдасиз бир идишдай бўлади.
9 Чунки улар ёлғиз юрган ёввойи эшакдай Оссурияга кетди+.
Эфрайим бўлса ўйнашлар ёллади+.
10 Халқлар орасидан ўзларига ўйнашлар ёллаган бўлса-да,Энди Мен уларни бир жойга йиғаман.Улар шоҳ ва беклар юклаган оғирлик дастидан азоб чекади+.
11 Эфрайим қурбонгоҳларни орттириб, гуноҳ қилди+.
Қурбонгоҳлари уни гуноҳга ботирди+.
12 Мен унга кўпгина қонунлар ёзиб бердим.Аммо у бунга ғайритабиий нарсадек қаради+.
13 Улар Менга қурбонликлар тортиқ қилиб, гўшт ейди,Лекин бу Менга, Яҳовага, ёқмайди+.
Уларнинг хатоларини ёдда тутаман, гуноҳлари учун жазолайман+.
Улар Мисрга қайтди*+.
14 Исроил Яратувчисини унутиб+, ибодатхоналар қурди+,Яҳудо мустаҳкам шаҳарларни кўпайтирди+.
Аммо Мен унинг шаҳарларига ўт қўяман,Ҳар бир шаҳардаги минораларни олов ютади»+.
Изоҳлар
^ Бошқа вариант «қайтади».
