Солномалар биринчи китоб 18:1–17
18 Бир мунча вақтдан кейин, Довуд филистимликларни мағлуб этиб, ўзига бўйсундирди. Гат+ билан унга қарашли* шаҳарчаларни Довуд филистимликлар қўлидан тортиб олди+.
2 Кейин у мўабликларни ҳам мағлуб этди+. Улар Довуднинг хизматкорлари бўлишди ва ўлпон тўлай бошлашди+.
3 Зўво+ шоҳи Ҳададзар+ Фурот дарёси+ ҳудудида ўз ҳокимиятини қайта тиклаш учун кетаётганида, Довуд уни Хомат+ шаҳри ёнида мағлуб қилди.
4 Довуд 1 000 та жанг арава, 7 000 та сувори ва 20 000 та пиёда аскарни асир олди+. Аравага қўшилган ҳамма отларнинг пайларини кесиб ташлаб, улардан фақат 100 тасини тирик қолдирди+.
5 Зўво шоҳи Ҳададзарга ёрдамга Дамашқдан сурияликлар келганида, Довуд 22 000 сурияликни қириб ташлади+.
6 Довуд Суриянинг Дамашқ шаҳрида ҳарбий кучларини жойлаштирди ва сурияликлар унга хизмат қилиб, ўлпон тўлайдиган бўлишди. Довуд қаерга бормасин, Яҳова унга ғалаба* берарди+.
7 Довуд Ҳададзарнинг хизматкорларидан олтиндан ясалган думалоқ қалқонларни тортиб олди ва уларни Қуддусга олиб келди.
8 Довуд, Ҳададзарга тегишли Тивхат билан Хун шаҳарларидан ниҳоятда кўп мис олди. Сулаймон кейин шу мисдан қуйма ҳовуз+, устунлар ва мис анжомлар ясади+.
9 Хомат шоҳи Тўву, Довуд Ҳададзарнинг+ бутун қўшинини тор-мор қилгани ҳақида хабар топди.
10 Тўву дарҳол шоҳ Довуддан ҳол-аҳвол сўраш ҳамда Ҳададзар билан жанг қилиб уни мағлуб этгани билан табриклаш учун (чунки Ҳададзар Тўвуга қарши тез-тез жанг қиларди), унинг олдига ўғли Ҳадорамни* юборди. У ўзи билан турли хил кумуш, олтин ва мис буюмлар олиб борди.
11 Бу нарсалардан ташқари, шоҳ Довуд ўзига бўйсундирган барча халқлардан, яъни Эдом ва Мўабдан, оммонликлар+, филистимликлар+, омолеклардан+ олган кумуш ва олтинларни ҳам Яҳовага бағишлади+.
12 Зеруя+ ўғли Абушай+ Туз водийсида эдомликларнинг 18 000 тасини ҳалок қилди+.
13 У Эдомда ҳарбий кучларини жойлаштирди ва барча эдомликлар Довуднинг хизматкорлари бўлишди+. Довуд қаерга бормасин, Яҳова унга ғалаба берарди+.
14 У бутун Исроил устидан шоҳ бўлиб+, халқини адолат ва ҳаққоният билан бошқарарди+.
15 Зеруя ўғли Йўаб — лашкарбоши+, Охилуд ўғли Ёҳушафат эса тарихнавис эди+.
16 Охитоб ўғли Зодўх билан Абуатар ўғли Охималек руҳоний эдилар, Шавшо эса котиб эди.
17 Ёҳайидо ўғли Бинаё Довуднинг шахсий тансоқчилари*+ бошлиғи, Довуднинг ўғиллари эса бош амалдорлар эди.
Изоҳлар
^ Ёки «унинг атрофидаги».
^ Ёки «нажот».
^ 2Шҳ 8:10 да «Ёрам».
^ Сўзма-сўз «харетийлар билан палатийларнинг».
