Солномалар биринчи китоб 26:1–32
26 Дарвозабонлар+ гуруҳлари қуйидагича эди: Кўрах наслидан бўлган Осиф ўғилларидан Корининг ўғли Машалмиё+.
2 Машалмиё ўғиллари: тўнғичи Закариё, иккинчиси Ёдиёл, учинчиси Забадиё, тўртинчиси Ятниёл,
3 бешинчиси Элам, олтинчиси Ёҳуханон, еттинчиси Элихўнай.
4 Обид-Эдом ўғиллари: тўнғичи Шамаё, иккинчиси Ёҳузабад, учинчиси Йўх, тўртинчиси Сохор, бешинчиси Натанил,
5 олтинчиси Омиёл, еттинчиси Иссахор, саккизинчиси Фуллатай эди. Худо Обид-Эдомга мана шундай барака берган эди.
6 Унинг тўнғичи Шамаёдан туғилган ўғиллар кучли ва қобилиятли бўлгани учун ўз хонадонлари бошлари бўлишди.
7 Шамаё ўғиллари: Ўтнах, Рафаил, Обид ва Элзабад. Элзабаднинг ака-укалари Элиху билан Самахиё ҳам қобилиятли кишилар эди.
8 Буларнинг бари Обид-Эдомнинг ўғиллари эди. Уларнинг ўзлари, ўғиллари ҳамда ака-укалари — жами 62 киши — қобилиятли ва хизмат қилишга яроқли эди.
9 Машалмиёнинг+ ўғиллари ва ака-укалари — жами 18 нафар — қобилиятли кишилар эди.
10 Марори наслидан бўлган Хўсах ўғиллари: бошчи Шимри. У тўнғич бўлмаса-да, отаси уни бошчи этиб тайинлаган эди.
11 Иккинчиси Хилқиё, учинчиси Тавалиё, тўртинчиси Закариё. Хўсахнинг ҳамма ўғиллари ва ака-укалари сони 13 нафарни ташкил этарди.
12 Ушбу дарвозабонлар гуруҳларида бошчилик қиладиганларнинг ҳам ака-укалари каби Яҳованинг уйида ўз вазифалари бор эди.
13 Каттаю кичик бирдай ўз хонадонлари бўйича қуръа ташлаб+, қайси дарвозада ким хизмат қилишини аниқлашди.
14 Қуръа бўйича шарқ томондаги дарвоза Шаламиёга тушди. Унинг ўғли — доно маслаҳатчи Закариё учун қуръа ташланганда, унга шимол томондаги дарвоза тушди.
15 Обид-Эдом жануб томондаги дарвозани, ўғиллари+ эса омборларни қўриқлайдиган бўлди.
16 Шупим билан Хўсахга+ юқорига элтадиган катта йўл бўйидаги Шаллехет дарвозаси ёнидаги ғарб томон тушди. Қўриқчилар гуруҳлари бирин-кетин туришди.
17 Шарқ томонда — олтита леви, шимол томонда — ҳар куни тўртта, жануб томонда — ҳар куни тўртта. Омборларни қўриқлаш учун+ ёнма-ён икки жуфт қўриқчи қўйилди.
18 Ғарб томондаги пешайвонда — катта йўл+ бўйида тўрт киши, пешайвон олдида икки киши турди.
19 Булар Кўрах ва Марори ўғилларидан иборат бўлган дарвозабонлар гуруҳлари эди.
20 Левилардан Охиё ҳақ Тангрининг уйидаги хазиналарга ва бағишланган*+ нарсалар сақланадиган хазиналарга жавобгар бўлди.
21 Ладен ўғилларидан, яъни Гершон авлодидан келиб чиққан, Ладенга қарашли хонадонлар бошларидан бири Ёхиёли+.
22 Ёхиёлининг ўғиллари Затом билан Йўэл ҳам Яҳованинг уйидаги хазиналарга+ жавобгар этиб тайинланди.
23 Имром, Изхор, Хеврон ва Узиёлдан келиб чиққан авлодлардан+,
24 Мусонинг ўғли Гершомнинг авлодидан Шавувол омборларга бош назоратчи этиб қўйилди.
25 Унинг ака-укаларидан — Элиазарнинг+ авлодидан Рахавиё+, Ешаё, Ёрам, Зихри ва Шалумўт танланди.
26 Шалумўт билан ака-укалари хазиналарга, яъни шоҳ Довуд+, хонадонлар бошлари+, юзбоши, мингбоши ва лашкарбошилар Худога бағишлаган+ нарсалар сақланадиган барча хазиналарга жавобгар этиб тайинланди.
27 Улар жангларда+ қўлга киритган ўлжалардан+ бир қисмини Яҳованинг уйини яхши ҳолатда сақлаш учун бағишлашарди.
28 Қолаверса, валий+ Шомуил, Киш ўғли Шоул, Нир ўғли Абнур+ ҳамда Зеруя ўғли+ Йўаб+ Худога бағишлаган ҳар қандай нарсаларга Шалумит* билан ака-укалари жавобгар эди.
29 Изхор+ авлодидан келиб чиққан Хенаниё ва ўғиллари Худонинг уйидан ташқаридаги ишларга масъул эди. Улар Исроил устидан бошлиқлар ва ҳакамлар+ сифатида тайинланган эди.
30 Хеврон+ авлодидан келиб чиққан Хашавиё ва ака-укалари — жами 1 700 та қобилиятли киши — Иорданнинг ғарбий ҳудудидаги Исроил ерларига, Яҳова ҳамда шоҳнинг барча ишларини бошқариш учун тайинланди.
31 Хеврон авлодидан бўлган Ёриё+, Хеврон наслининг хонадон боши эди. Довуд ҳукмронлигининг 40- йили+ Хеврон авлоди орасидан кучли ва қобилиятли кишилар изланганда, бундай кишилар Гиладдаги Язирдан+ топилди.
32 Ёриёнинг ҳар бири хонадонлар боши бўлган 2 700 та қобилиятли ака-укалари бор эди. Шоҳ Довуд уларни ҳақ Худонинг ва шоҳнинг барча ишларини бажариш учун Рубен, Гад қабилалари ва Манаше қабиласининг ярми устидан бош этиб тайинлади.