Юҳаннонинг биринчи мактуби 1:1–10
1 У бошидан бор эди, у ҳақда эшитганмиз, кўзларимиз билан кўрганмиз, томоша қилиб қўлларимиз билан сезганмиз. У ҳаёт каломидир+.
2 (Дарҳақиқат, ҳаёт ошкор бўлди. Отанинг ёнида бўлган ва бизга ошкор этилган ўша абадий ҳаётни+ кўрдик. У ҳақда шоҳидлик бериб+, уни сизларга билдирмоқчимиз.)
3 Бизлар билан ҳамжиҳат бўлишингиз учун кўрганимиз ва эшитганимиз тўғрисида сизларга айтиб беряпмиз+. Бунинг устига, ҳамжиҳатлигимиз Ота ва Унинг Ўғли Исо Масиҳ биландир+.
4 Буларни севинчимиз тўлиқ бўлиши учун ёзяпмиз.
5 Унинг ўзидан эшитган ва сизларга эълон қилаётган хабаримиз шуки, Аллоҳ нур+ ва Унда қоронғилик йўқдир.
6 Агар: «У билан ҳамжиҳатмиз»,— десак, ўзимиз эса қоронғиликда юрсак, биз ёлғон гапириб, ҳақиқатга мувофиқ яшамаётган бўламиз+.
7 Аммо Худо нурда бўлгани каби биз ҳам нурда юрсак, унда ўзаро ҳамжиҳат бўламиз ва Унинг Ўғли Исонинг қони бизни ҳар қандай гуноҳдан пок қилади+.
8 Борди-ю: «Гуноҳимиз йўқ»,— десак, янглишган бўламиз+ ва бизда ҳақиқат йўқ.
9 Агарда гуноҳларимизга иқрор бўлсак, Аллоҳ гуноҳларимизни кечириб, бизни барча адолатсизликдан поклайди+, чунки У содиқ ва одилдир.
10 Лекин: «Гуноҳ қилмадик»,— деб айтсак, Худони ёлғончи қилган бўламиз ва Унинг каломи қалбимиздан жой олмайди.
