Солномалар иккинчи китоб 15:1–19
-
Осонинг ислоҳотлари (1–19)
15 Ододнинг ўғли Озариёга Худонинг руҳи тушди.
2 У Осони қарши олишга чиқиб, унга шундай деди: «Эй Осо, бутун Яҳудо ва Бенямин, менга қулоқ солинглар! Агар Яҳова билан бўлсангиз, У ҳам сизлар билан бўлади+, Уни изласангиз, Уни топасизлар+. Борди-ю, Уни тарк этсангиз, У ҳам сизларни тарк этади+.
3 Исроил узоқ вақт давомида Аллоҳдан, руҳонийлар таълими ва қонундан холи яшади+.
4 Аммо бошларига қийинчилик тушганда, улар Исроил Тангриси Яҳовага қайтиб, Уни излашди ва У Ўзини уларга ошкор этди+.
5 Ўша кезлари юртда тартибсизликлар кўпайиб кетгани боис, сафарга чиқиш хавфли эди.
6 Худо уларни турли қийинчиликларга дучор қилиб, улар орасида тартибсизликлар келтириб чиқаргани учун, халқ халққа, шаҳар шаҳарга қарши чиқарди+.
7 Бироқ сизлар кучли бўлинглар, тушкунликка тушманглар!+ Зеро, ишингизга яраша тақдирланасизлар!»
8 Бу сўзларни ва Одод пайғамбарнинг башоратини эшитиши биланоқ, Осо жасоратга тўлиб, бутун Яҳудо ва Бенямин юртидаги ҳамда Эфрайим тоғли ҳудудида босиб олган барча шаҳарлардаги жирканч бутларни йўқ қилди+. Қолаверса, Яҳова уйининг даҳлизи олдидаги+ Яҳованинг қурбонгоҳини тиклади.
9 У бутун Яҳудо билан Бенямин халқини, шунингдек, Эфрайим, Манаше ва Шимўн еридаги мусофирларни+, яъни Худованд Яҳова Осо билан эканини кўриб, Исроилдан унинг томонига ўтган одамларни йиғди.
10 Осо ҳукмронлигининг 15- йили учинчи ойда улар Қуддусда йиғилишди.
11 Улар қўлга киритган ўлжаларидан ўша куни 700 та қорамол ва 7 000 та қўйни Яҳовага қурбонлик қилиб келтиришди.
12 Бундан ташқари, улар ота-боболарининг Тангриси Яҳовани бутун қалб ва бутун вужуди билан излашга аҳд қилишди+.
13 Кимки Исроил Худоси Яҳовани изламаса, у хоҳ ёш, хоҳ қари бўлсин, хоҳ эркак, хоҳ аёл бўлсин ўлдирилиши керак эди+.
14 Улар баланд овозда, хурсандчилик ҳайқириқлари, карнай ва бурғулар садоси остида Яҳовага қасам ичишди.
15 Бутун Яҳудо чин дилдан қасам ичгани учун қувонди. Улар Худони астойдил излашгани боис, У Ўзини ошкор этди+. Яҳова уларга ҳар томондан тинчлик берди+.
16 Шоҳ Осо ҳатто бувиси Махони+ маликалик мавқеидан маҳрум этди. Чунки бувиси муқаддас устунга сажда қилиш мақсадида қабиҳ бут ясаган эди+. Осо бу жирканч бутни кесиб ташлади-да, парча-парча қилиб Қидрон водийсида ёқиб юборди+.
17 Аммо Исроилдан тепаликлар+ йўқ қилинмади+. Шунга қарамасдан, Осо умри давомида бутун қалби билан Тангрига хизмат қилди+.
18 У ўзининг ва отасининг Худога бағишлаган* кумуш, олтин ва турли буюмларини Аллоҳнинг уйига олиб келди+.
19 Осо ҳукмронлигининг 35- йилигача юртда уруш бўлмади+.
Изоҳлар
^ Сўзма-сўз «муқаддас қилган».
