Солномалар иккинчи китоб 3:1–17
3 Сулаймон Қуддусда, Яҳова Довудга зоҳир бўлган+ Мориёх+ тоғида Яҳовага атаб уй қура бошлади+. Бу, илгари ёбусий Ўрнаннинг хирмони+ бўлиб, отаси Довуд тайёрлаб қўйган жой эди.
2 Сулаймон қурилишни ҳукмронлигининг тўртинчи йили, иккинчи ойнинг иккинчи куни бошлади.
3 У ҳақ Тангрининг уйи учун солган пойдевор узунлиги қадимги ўлчовга кўра 60 тирсак*, эни эса 20 тирсак эди+.
4 Бу уйнинг олд қисмидаги даҳлиз узунлиги уйнинг энидай 20 тирсак, баландлиги 120* эди. Сулаймон унинг ичини соф олтин билан қоплади+.
5 Асосий хонасини қора арча ёғочлари, сўнг соф олтин билан қоплаб+, устини пальма дарахти тасвирлари+ ва занжирлар билан безади+.
6 Бундан кейин уйни чиройли қимматбаҳо тошлар билан ясатди+. Сулаймон ишлатган олтин+ Парвайимдан олиб келинган эди.
7 У уйни, унинг тахталари, остоналари, деворларию эшикларини олтин билан қоплаб+, деворларга карублар* тасвирини ўйиб туширди+.
8 Сулаймон Энг муқаддас хонани ҳам қурди+. Унинг узунлиги уйнинг энига тенг, яъни 20 тирсак, эни ҳам 20 тирсак эди. Шоҳ бу хонани 600 талант* соф олтин билан қоплади+.
9 Михлар учун сарфланган олтин оғирлиги 50 шекел* эди. У болохоналарни ҳам олтин билан қоплади.
10 Сўнгра Сулаймон Энг муқаддас хонада иккита каруб ясаттириб, уларни олтин билан қоплади+.
11 Карублар қанотларининг+ умумий узунлиги 20 тирсак эди. Биринчи каруб қанотининг узунлиги беш тирсак бўлиб, деворга тегиб турарди. Иккинчи қанотининг узунлиги ҳам беш тирсак эди ва ёнидаги карубнинг қанотига тегиб турарди.
12 Иккинчи каруб қанотининг узунлиги беш тирсак бўлиб, деворнинг бошқа томонига тегиб турарди. Узунлиги беш тирсак бўлган иккинчи қаноти эса биринчи карубнинг қанотига тегиб турарди.
13 Бу карубларнинг ёйилган қанотлари узунлиги 20 тирсак эди. Улар тик турган ҳолатда ясалиб, юзлари муқаддас хонага қаратиб ўрнатилди.
14 Сулаймон шунингдек, мовий ип, тўқ қизилга бўялган жун, алвон рангли ип ва сифатли матодан парда+ қилдириб, устига карублар тасвирини солди+.
15 Бундан кейин, у уйнинг олд томонида узунлиги 35 тирсак бўлган иккита устун+ ўрнатди ва ҳар бирининг устига узунлиги беш тирсак келадиган устун қош+ қўйди.
16 Сулаймон маржонга ўхшаш занжирлар ясаб, улар билан устун қошлар атрофини безади ва 100 та анор ясаб, уларни бу занжирларга бириктириб қўйди.
17 У устунларни маъбаднинг олд томонига, бирини ўнг*, иккинчисини чап* томонга қўйди. Ўнг тарафидагини Ёхин*, чап тарафидагини Боз* деб номлади.
Изоҳлар
^ Одатда бир тирсак 44,5 см бўлган. Лекин баъзиларнинг фикрича, қадимги ўлчовга кўра бир узун тирсак 51,8 см эди. Илованинг Б14 мавзусига қ.
^ Ўлчов бирлиги маълум эмас.
^ Бир талант=34,2 кг. Илованинг Б14 мавзусига қ.
^ Бир шекел=11,4 г. Илованинг Б14 мавзусига қ.
^ Ёки «жануб».
^ Ёки «шимол».
^ Маъноси «У [яъни Яҳова] мустаҳкамласин».
^ Тахминий маъноси «куч ила».
