Солномалар иккинчи китоб 4:1–22
4 Сўнг Сулаймон узунлиги 20 тирсак, эни 20 тирсак ва баландлиги 10 тирсак бўлган мис қурбонгоҳ ясади+.
2 У шакли думалоқ, бир четидан иккинчи четигача 10 тирсак, баландлиги 5 тирсак, ўлчов ипи билан ўлчаганда айланаси 30 тирсак бўлган қуйма ҳовуз*+ ясади+.
3 Унинг пастки қисми бўйлаб айланасига ҳар тирсак сайин ўнтадан икки қатор ёввойи тарвузлар+ тасвирлари туширилди. Бу ёввойи тарвузлар ҳовуз билан бир бутун қилиб қуйилди.
4 Ҳовуз учтаси шимол, учтаси ғарб, учтаси жануб, учтаси шарқ тарафга қараб ўрнатилган мисдан ясалган 12 та буқа+ устига қўйилди. Буқаларнинг орқа томони эса ҳовузнинг марказига қаратилган эди.
5 Ҳовузнинг қалинлиги тўрт бармоқ энига* тўғри келарди. Қирғоғи қадаҳникига ўхшаб, очилиб турган лола шаклида эди. Унинг ҳажми 3 000 бат* эди.
6 Шунингдек у ўнта тос ясаб, бештасини ўнг, бештасини чап тарафга қўйди+. Уларнинг ичида куйдириладиган қурбонлик+ учун ишлатиладиган нарсалар ювиларди. Ҳовуз эса руҳонийлар қўл-оёқларини ювишлари учун мўлжалланган эди+.
7 Бундан кейин, у кўрсатма бўйича+ ўнта олтин чироқпоя ясаб+, уларни маъбадга, бештасини ўнг, бештасини чап томонга қўйди+.
8 Сўнгра Сулаймон ўнта стол ясаб, уларни маъбадга, бештасини ўнг, бештасини чап тарафга жойлаштирди+. Тағин у 100 та олтин коса ясади.
9 Шоҳ шунингдек, руҳонийлар ҳовлисини+, катта ҳовли+ ва ҳовлининг эшикларини ясади. Эшикларни мис билан қоплади.
10 Сулаймон қуйма ҳовузни уйнинг ўнг томонига, яъни жануби-шарқига жойлаштирди+.
11 Хирам кул солинадиган идишлар, кураклар ва косалар ҳам ясади+.
У ниҳоят шоҳ Сулаймоннинг топшириғи билан Аллоҳга аталган уйга оид ишларни ўз якунига етказди. Хирам ясаган нарсалар қуйидагилар+:
12 иккита устун+, уларнинг тепасидаги коса шаклидаги иккита устун қоши; устунлардаги иккита устун қошни қоплаб турган иккита тўр+;
13 устунлар тепасидаги коса шаклидаги иккита устун қошни+ қоплаб турган иккита тўр учун — ҳар бир тўр учун икки қатордан 400 та анор+;
14 ўнта арава* ҳамда устига қўйилган ўнта тос+;
15 қуйма ҳовуз ва унинг тагида турган 12 та буқа+;
16 кул солинадиган идишлар, кураклар, паншахалар+ ва шоҳ Сулаймоннинг топшириғи билан Яҳовага аталган уй учун бошқа анжомлар. Хирам-Абив+ уларнинг барини сайқалланган мисдан ясади.
17 Шоҳ уларни Иордан водийсида, Сухўт+ билан Заридо ўртасида сопол қолипларга қуйиб ясади.
18 Сулаймон ушбу барча анжомларни ниҳоятда кўп миқдорда ясади. Миснинг оғирлиги аниқ эмас эди+.
19 Сулаймон ҳақ Худонинг уйи учун қуйидаги ҳамма нарсаларни ясади+: олтин қурбонгоҳ+, тортиқ этилган нонлар қўйиладиган+ столлар+;
20 кўрсатма бўйича энг ички хонанинг олд томонида ёниб туриши учун соф олтиндан+ чироқпоялар ва мойчироқлари;
21 олтиндан — энг тоза олтиндан гуллар, мойчироқлар, қисқичлар*;
22 соф олтиндан пилик ўчиргичлар, косалар, пиёлалар ва оловкураклар. Энг муқаддас хонанинг+ ва маъбад кираверишининг эшикларини олтин билан қоплади+.
Изоҳлар
^ Сўзма-сўз «денгиз».
^ Тахм. 7,4 см. Илованинг Б14 мавзусига қ.
^ Бир бат=22 л. Илованинг Б14 мавзусига қ.
^ Ёки «сув араваси».
