Шоҳлар иккинчи китоб 24:1–25
24 Бир кимса* Довудни: «Бориб, Исроил билан Яҳудони санаб чиқ»+,— деб ундаганида+, Исроилга нисбатан Яҳованинг ғазаби яна аланга олди+.
2 Шоҳ ёнида турган лашкарбоши Йўабга+: «Қанча одамим борлигини билишим учун, Исроилнинг барча қабилаларини — Дандан Бэршэвагача+ бўлган ҳудудни айланиб чиқиб, халқни рўйхатга олгин»,— деди.
3 Бироқ Йўаб шоҳга: «Илоҳим, Тангрингиз Яҳова халқни 100 карра кўпайтирсин ва шоҳ ҳазратлари буни ўз кўзлари билан кўрсинлар. Лекин шоҳ ҳазратлари нега бундай қилишни истаяптилар?» — деб айтди.
4 Аммо шоҳнинг сўзи Йўаб ҳамда қўшин сардорларининг сўзидан устун келди. Шунда Йўаб билан қўшин сардорлари шоҳ ҳузуридан чиқиб, Исроил халқини рўйхатга олгани кетишди+.
5 Улар Иордан дарёсини кечиб ўтиб, водий ўртасида жойлашган шаҳарнинг ўнг тарафида*, Ароер+ ёнида қароргоҳ қуришди. У ердан чиқиб, гадликлар ҳудудига ҳамда Язирга+ йўл олишди.
6 Сўнг улар Гиладга+ ва Тахтим-Ходши диёрига қараб кетишди ва Данёнгача боришди. Кейин бурилиб Сидонга+ йўл олишди.
7 Сидондан чиқиб, Тир+ қалъасига ҳамда хивийлар+ билан канъонликларнинг шаҳарларига боришди. Охири улар Нагавдаги+ Бэршэвага+, яъни Яҳудо ерларига етиб келишди.
8 Шу тариқа, улар бутун юртни айланиб чиқиб, 9 ою 20 кундан кейин Қуддусга қайтиб келишди.
9 Йўаб рўйхатга олинганларнинг сонини шоҳга маълум қилди. Исроилда қилич билан қуролланган 800 000 та, Яҳудода эса 500 000 та жангчи бор эди+.
10 Халқни санаб бўлгандан кейин Довуднинг виждони* қийналди+. Довуд Яҳовага: «Бу ишга қўл уриб, мен катта гуноҳ қилдим+. Аҳмоқона йўл тутганим учун+, илтимос, Яҳова, хизматкорингнинг гуноҳини кечир»+,— деди.
11 Эрталаб Довуд уйқудан турганда, Довудга ваҳийлар айтиб берувчи Гад+ пайғамбарга Яҳова қуйидаги хабарни юборди:
12 «Бориб Довудга айт: “Яҳова шундай демоқда: “Сенга учта жазо таклиф қиламан. Қай бирини танласанг, ўша жазони сенга юбораман”+».
13 Гад пайғамбар Довуднинг олдига келиб: «Учаласидан қай бирини танлайсиз: юртингизда етти йил очарчилик бўлишиними+ ёки сизни таъқиб қиладиган душманларингиздан уч ой қочиб юришними+, ё бўлмаса юртингизда уч кун ўлат бўлишиними?+ Яхшилаб ўйлаб кўриб, мени Юборганга нима деб жавоб беришимни айтинг»,— деди.
14 Довуд Гад пайғамбарга: «Жоним азобда қолди. Одам қўлига тушгандан кўра+, Яҳованинг қўлига тушганимиз яхшироқ+, чунки У ниҳоятда раҳм-шафқатли»+,— деб жавоб берди.
15 Сўнг, Яҳова эрталабдан то белгиланган вақтга қадар Исроилга ўлат юборди+. Дандан Бэршэвагача+ 70 000 одам ҳалок бўлди+.
16 Фаришта ҳалокат келтириш учун қўлини Қуддус томон узатганида, Яҳова ўлат юборганидан қайғуриб+, халқни қирғин қилаётган фариштага: «Етар! Қўлингни тушир!» — деди. Яҳованинг фариштаси ёбусий+ Аравнонинг хирмонига яқинлашиб қолган эди+.
17 Халқни қирғин қилаётган фариштани кўриб, Довуд Яҳовага: «Гуноҳ қилган менман-ку. Бу қилмишга фақат мен қўл урганман. Бу халқда*+ нима айб?! Илтимос, мени ва отам хонадонини жазолагин»+,— деб айтди.
18 Ўша куни Гад пайғамбар Довуднинг олдига келиб: «Ёбусий Аравнонинг хирмонига боринг-да, ўша ерда Яҳовага атаб қурбонгоҳ барпо этинг»+,— деди.
19 Довуд, Яҳова унга буюрганидай, Гад пайғамбарнинг гапига қулоқ солиб, хирмонга борди.
20 Аравно шоҳ билан унинг хизматкорлари у томон келаётганини кўриб, дарҳол унга пешвоз чиқди ва юзи ерга теккудай бўлиб шоҳга таъзим қилди.
21 Аравно шоҳдан: «Шоҳ ҳазратлари хизматкорининг олдига нима учун ташриф буюрдилар?» — деб сўради. Довуд унга: «Халққа қирғин келтираётган ўлат тўхташи учун+, сендан хирмонни сотиб олиб, шу ерда Яҳовага атаб қурбонгоҳ бунёд этмоқчиман»,— деб жавоб берди.
22 Аравно Довудга: «Шоҳ ҳазратлари хирмонни олиб, ўзларига нима маъқул бўлса шуни қилаверсинлар. Куйдириладиган қурбонлик учун буқаларим бор. Хўптир* билан бўйинтуруқлар эса ўтин учун ярайди.
23 Эй шоҳим, буларнинг ҳаммасини сизга бераман»,— деди. Кейин Аравно шоҳга: «Илоҳим, Тангрингиз Яҳова сизга илтифот кўрсатсин»,— деб айтди.
24 Бироқ шоҳ Аравнога: «Йўқ, мен сотиб оламан. Текинга келган нарсаларни Худойим Яҳовага куйдириладиган қурбонликлар сифатида назр қилмайман»,— деди. Шундай қилиб, Довуд хирмон билан буқаларни 50 шекел* кумушга сотиб олди+.
25 Довуд ўша ерда Яҳовага атаб қурбонгоҳ бунёд этиб+, куйдириладиган қурбонликлар билан тинчлик қурбонликларини келтирди. Шунда Яҳова уларнинг юрт учун қилган илтижоларини эшитди+ ва Исроилга юборилган ўлат тўхтади.
Изоҳлар
^ Ёки «У». 1Сл 21:1 га қ.
^ Ёки «жанубида».
^ Сўзма-сўз «юраги».
^ Сўзма-сўз «қўйларда».
^ Бир шекел=11,4 г. Илованинг Б14 мавзусига қ.