Исо ер юзида бўлганида одамларни жуда яхши кўришини кўрсатган ва ҳатто улар учун жонини фидо қилган. (Матто 20:28; Юҳанно 15:13) Тез орада у Худо Шоҳлигининг Шоҳи сифатида ҳокимиятидан фойдаланиб «ер юзи бўйлаб жангларга барҳам беради». Шу йўсин Исо одамларни яхши кўришини яна бир бор исботлайди. (Забур 46:9)

 Исо алайҳиссалом нималар қилиши борасида Муқаддас Китобда нима деб ёзилганига эътибор беринг:

•   «Ёрдам сўраб фарёд қилган камбағални, хокисор ва мададкори йўқ одамни у қутқаради. Хокисор ва камбағалга жони ачийди, фақирнинг ҳаётини сақлаб қолади. Жабр-зулмдан уларни халос қилади». (Забур 72:12–14)

 Исо биз учун қилган ва яқин орада амалга оширадиган барча ишлари учун миннатдор эканимизни қандай кўрсата оламиз? Луқо 22:19 га кўра, у издошларига унинг ўлимини хотирлашни айтган. Шу боис Яҳованинг Шоҳидлари ҳар йили унинг ўлимини хотирлаш учун йиғилади. Сизни 2024 йил 24 март, якшанба куни бўлиб ўтадиган Қутлуғ Кечлик маросимига лутфан таклиф этамиз.

Қутлуғ Кечликни топиш