2022 йил давомида янгиликларда уруш, иқтисодий қийинчилик ва табиий офатлар ҳақида бетўхтов эшитдик. Фақатгина Муқаддас Китобда бу ҳодисаларнинг асл маъноси тушунтирилган.

2022 йилдаги ҳодисаларнинг асл маъноси

 Бу йилги ҳодисалар биз Муқаддас Китобда «охирзамон» деб аталган даврда яшаётганимизни яққол кўрсатяпти. (2 Тимўтийга 3:1) Бу давр 1914 йили бошланган. Келинг, сўнгги ҳодисалар Муқаддас Китобда ёзилганларга қандай мос келаётганига назар солайлик:

 «Урушлар». (Матто 24:6)

•   «2022 йили Европа яна урушнинг даҳшатини ҳис қилди» a.

 «Озиқ-овқат етишмовчилиги». (Матто 24:7)

•   «2022 йил: қўрқинчли очарчилик йили» b.

 «Ўлатлар». (Луқо 21:11)

•   «Полиомиелит касаллигининг қайтиши, маймунчечак кенг тарқалиши ва COVID-19 зарар келтиришда давом этиши юқумли касалликлар жуда хавфли эканини ҳамда одамлар қанчалик ожизлигини кўрсатяпти» c.

 «Қўрқинчли нарсалар». (Луқо 21:11)

•   «Иссиқлик тўлқинлари, қурғоқчилик, ўрмон ёнғинлари ва сув тошқинлари. 2022 йилнинг ёзи об-ҳавонинг кескин ўзгариши билан эсда қолади. Бу туфайли вайронагарчиликлар бўлди, минглаб одамларнинг жони узилди ва бутун дунё бўйлаб миллионлаб инсонлар уйсиз қолди» d.

 «Тартибсизликлар». (Луқо 21:9)

•   «Одамларнинг иқтисодий муаммолар, айниқса, инфляциянинг ўсиши дастидан ғазабга миниши 2022 йили ҳукуматга қарши кўплаб норозиликларга сабаб бўлди» e.

Келаси йил нима бўлади?

 2023 йили нималар юз беришини ҳеч ким аниқ айта олмайди. Лекин яқинда Худонинг Шоҳлиги, яъни самовий ҳукумат ер юзида катта ўзгаришлар қилишини биламиз. (Дониёр 2:44) Бу ҳукумат инсонларга азоб келтираётган барча сабабларни бартараф этиб, ер юзида Худонинг иродаси бажо бўлишига ғамхўрлик қилади. (Матто 6:9, 10)

 Биз сизни Исо Масиҳнинг маслаҳатига қулоқ солишга ва ҳушёр туриб, Муқаддас Китобдаги башоратлар ҳозир қандай амалга ошаётганини кузатишга ундаймиз. (Марк 13:37) Муқаддас Китоб ҳозир сизга қандай ёрдам бера олиши ва сиз ҳамда оила аъзоларингиз қай йўсин порлоқ келажакка нисбатан ҳақиқий умидга эга бўлишингиз ҳақида кўпроқ билиш учун биз билан боғланинг.