Келаётган ҳудудий анжуманда бизни нима кутар экан, деб ҳар йили бу тадбирни орзиқиб кутамиз. Бошқалар ҳам Яҳованинг яхшиликларини кўришлари учун, бу маънавий зиёфатга кўпроқ одам келишини истаймиз. (Зб 33:9) Ҳар бир жамоатнинг оқсоқоллар кенгаши таклифномаларни қандай тарқатиш мумкинлиги борасида обдан ўйлаб кўришлари керак (кампания ўтадиган ҳудудларга тегишли).

• Жамоатимиз таклиф қилинган анжуман қайси кунлари бўлиб ўтади?

• Жамоатимиз қачондан бошлаб кампанияда иштирок этишни бошлайди?

• Жамоатимизнинг воизлик хизмати учрашувлари қайси кунларга белгиланди?

• Кампанияда иштирок этиб қандай мақсадларга эришмоқчиман?

• Мен кимларни таклиф қилмоқчиман?

Одатий салом-аликдан сўнг қуйидагиларни айтишингиз мумкин:

«Биз умумжаҳон кампанияда иштирок этиб, одамларни бир муҳим тадбирга таклиф қиляпмиз. Куни, соати ва манзили мана бу таклифномада кўрсатилган. Бу таклифнома сизга. Марҳамат, келишингиз мумкин».

Кампаниянинг мақсади кўпроқ одамларни таклиф қилиш бўлса-да, қизиқиш кўрсатганлар олдига қайта келиб, уларга ёрдам беришга тайёр туришимиз керак.