БУНИНГ МУҲИМЛИГИ. Мойланганлар ва бошқа қўйлар одамларга «ҳаёт сувини текинга олишни» таклиф қилишяпти. (Вҳ 22:17) Ушбу рамзий сув Яҳова инсониятни гуноҳ ва ўлимдан озод этиш учун кўрган барча чора-тадбирларини билдиради. Биз турли урф-одатларга ва диний эътиқодларга эга бўлган одамларга ёрдам бериш учун «абадий хушхабар»ни ҳар бирининг қалбига таъсир қиладиган тарзда етказишимиз керак. (Вҳ 14:6)

АМАЛГА ОШИРИШ ЙЎЛЛАРИ.

• Ҳудудингиздаги одамларнинг қалбини забт этадиган мавзу ва оятни танланг. Масалан, бирон-бир тахминий суҳбатни ёки сиз муваффақият ила ишлатиб келган бирон нарсани танлашингиз мумкин. Одамлар қайси мавзу ва оятларни яхши эшитишади? Эл оғзида юрган янги хабарлар борми? Эркак ё аёл кишиларни кўпроқ нима қизиқтиради?

• Суҳбат чоғида ҳудудингизга хос бўлган салом-алик одобини ва маданиятни инобатга олинг. (2Кр 6:3, 4)

• «Таълим бериш “қутимиздаги” асбоблар»даги адабиёт ҳамда видеолар билан яхшилаб танишиб чиқинг ва уларни қизиқиш кўрсатганлар билан бўлишишга тайёр туринг

• Ҳудудингизда учратишингиз мумкин бўлган одамларнинг тилида адабиёт ҳамда видеоларни юклаб олинг

• Суҳбат мавзусини уй эгасининг эҳтиёжларига қараб мослаштиринг. (1Кр 9:19–23) Масалан, уй эгасининг бирон кими яқинда қазо қилганини билиб қолсангиз, нима ҳақида гапирасиз?

ВИДЕОНИ ТОМОША ҚИЛГАЧ, ҚУЙИДАГИ САВОЛЛАРГА ЖАВОБ БЕРИНГ:

• Ваъзгўй уй эгаси билан қандай мавзуни муҳокама қилишни бошлади?

• Уй эгаси нималарни бошдан кечираётганди?

• Келтирилган оятлардан қайси бири бу вазиятга кўпроқ мос келарди ва нега?

• Ҳудудингиздаги инсонларнинг қалбини забт этиш учун муқаддимангизни қандай мослаштирасиз?