Муқаддас Китобда Шайтон хизматимизга халақит бериш ниятида бизларни қувғун қилиши башорат этилганди. (Юҳ 15:20; Вҳ 12:17) Қувғунларга дуч келаётган бошқа ерлардаги имондошларимизга қай тариқа ёрдам бера оламиз? Биз улар учун ибодат қилсак бўлади. Зеро «одил кишининг илтижоси кучли таъсирга эга». (Ёқ 5:16)

Хўш, нима ҳақда ибодат қилишимиз мумкин? Биз Яҳовадан биродару опа-сингилларимиз қўрқмасликлари учун ёрдам ва жасорат сўрасак бўлади. (Иша 41:10–13) «Сокин ҳаёт кечиришимиз учун» ҳукмрон ҳокимият хизматимизга нисбатан ижобий муносабатда бўлишларини сўраб, ибодат қилишимиз мумкин. (1Тм 2:1, 2)

Павлус ҳамда Бутрус қувғунлар остида қолишганида, биринчи асрдаги масиҳийлар уларнинг исмларини айтиб ибодат қилишган. (Ҳв 12:5; Рм 15:30, 31) Гарчи қувғунларга дучор бўлаётган барча имондошларимизнинг исмларини билмасак-да, ибодатларимизда уларнинг жамоатини, мамлакатини ёки ҳудудини тилга олишимиз мумкин.