Номукаммал бўлганимиз учун истакларимизни доим назорат қилишимиз лозим. Агар истакларимизга эрк берсак, Яҳованинг марҳаматидан маҳрум бўлишимиз мумкин. Масалан, айримлар озиқ-овқат, кийим-кечак ва бошпанага эга бўлиш истагини Худога бўлган севгидан устун қўйишади. Бошқалар эса жинсий истакларини Худонинг меъёрларига зид равишда қондиришади. (Рм 1:26, 27) Яна кимдир бошқаларга ёқиш ва маъқул келиш учун уларнинг босимига берилиб, ёмон ишларга қўл уради. (Чқ 23:2)

Қай йўсин истакларимизни назорат қила оламиз? Диққатимизни қўлдан келганча маънавий нарсаларга қаратишимиз лозим. (Мт 4:4) Шунингдек, истакларимизни назорат қилиш учун Яҳовадан ёлвориб ёрдам сўрашимиз даркор. Нега? Чунки У ўринли истакларимизни қандай қондиришни ва биз учун нима яхши эканини билади. (Зб 145:16)

«ЧЕКИШНИНГ ҚУЛИ БЎЛМАНГ» НОМЛИ ВИДЕОНИ ТОМОША ҚИЛГАЧ, ҚУЙИДАГИ САВОЛЛАРГА ЖАВОБ БЕРИНГ:

• Баъзи одамлар нима учун чекишади?

• Чекиш сизга қандай таъсир қилиши мумкин?

• Нега сигарет ҳамда вейпларни чекиш нотўғри? (2Кр 7:1)

• Қандай қилиб чекишдан бош тортишингиз ёки ҳатто ушбу одатдан қутулишингиз мумкин?