ЁШЛАРНИНГ САВОЛЛАРИ

Дўстим мени ранжитганда, нима қилсам бўлади?

ЭШИТИШ

Нимани билишингиз керак?

Одамларнинг муносабатлари муаммосиз кечмайди. Дўстингиз, ҳатто яқин дўстингиз номукаммал бўлиб, сизни ё бирон иши, ё гапи билан ранжитиб қўйиши ҳеч гап эмас. Албатта, сиз ҳам номукаммалсиз. Очиғини айтадиган бўлсак, ўзингиз ҳам кимнидир хафа қилгандирсиз? (Ёқуб 3:2)
Интернет орқали ҳам хафа бўлиб қолиш осон. Масалан, Дейвид исмли ўсмир шундай деди: «Гоҳида Интернет орқали дўстларингизнинг ўтиришдаги расмларини кўриб қолиб, нега мени чақиришмади, деб ўйлайсиз. Шунда, ўзингизни сизга хиёнат қилишгандай ҳис этасиз».
Хафагарчиликни енгишингиз мумкин.

Қандай йўл тутишингиз мумкин?

Ўзингизни текширинг. Муқаддас Китобда шундай ёзилган: «Аразчи бўлма, чунки гина-кудурат аҳмоқлар кўнглида ин қуради». (Воиз 7:9, изоҳ)

«Баъзида хафа бўлиб қоласиз, кейин эса, муаммо сариқ чақага ҳам арзимаслигини тушунасиз». (Алисса)

Ўйлаб кўринг: ҳаддан ташқари ҳиссиётларга берилмаяпманми? Бошқаларнинг камчиликларига чидамлироқ бўлишга ўргана оласизми? (Воиз 7:21, 22)

Кечиримли бўлиш фойдали экани борасида фикр юритинг. Ҳикматлар 19:11 да: «Хатоларни кечириш инсонни безайди»,— дейилган.

«Ҳатто хафа бўлиш учун сабаб бор бўлса-да, чин юракдан кечириш яхшидир. Бу дегани, одам сиздан доим кечирим сўраши учун у сизни хафа қилганини юзига солмайсиз. Кечирдингизми, бошқа тилга олманг!» (Мэллори)

Ўйлаб кўринг: наҳотки вазият шу қадар чигал бўлса?! Кечириб, тинчлик сақлай оласизми? (Колосаликларга 3:13)

Доим ҳар бир масалага ойдинлик киритиш, эшикни очиб, иссиқ хонага совуқ ҳавони киритиш билан тенг

Бошқалар ҳақида ўйланг. Муқаддас Китобда қуйидагича ўқиймиз: «Нафақат ўзингизнинг, балки бошқаларнинг ҳам манфаатини кўзланглар». (Филиппиликларга 2:4)

«Дўстона муносабатлар севги ва ҳурматда қурилса, муаммоларни дарров ҳал қилишга интиласиз. Ахир бу муносабатлар учун анча меҳнат қилгансиз. Энди уларни сақлаб қолишга ҳаракат қилиб, дўстингизни йўқотишни истамайсиз». (Николь)

Ўйлаб кўринг: бошқа кишининг нуқтаи назарида қандайдир фойдали томонларни топа оласизми? (Филиппиликларга 2:3)

Хулоса. Хафагарчиликни енгиш қобилияти ёшингиз улғайганда жуда асқатади. Бу қобилиятни ҳозирданоқ ривожлантира оласизми?