Таълимотларимизни доим фақатгина Муқаддас Китобга асослаймиз. Шунинг учун, уни англаш борасидаги тушунчамиз ойдинлашгани сайин таълимотларимизни ҳам ўзгартирамиз a.

 Бундай ўзгариш Ҳикматлар 4:18 даги қуйидаги сўзларга мувофиқ: «Одилнинг сўқмоғи тонг шафағи кабидир, у туш пайтига қадар ёришиб бораверади». Қуёш чиқаётганда унинг нурлари атрофни тобора ёритганидек, Худо ҳам илоҳий ҳақиқатни тушунишимиз учун уни аста-секин ўз вақтида очиб беради. (1 Бутрус 1:10–12) Муқаддас Китобда башорат қилинганидек, Аллоҳ «охирзамонда» буни янада тезлаштирди. (Дониёр 12:4)

 Таълимотларимизнинг ўзгариши бизни на ҳайратга, на хавотирга солиши керак. Худонинг қадимги хизматчилари ҳам нотўғри фикрларга ва ўринсиз умидларга эга бўлиб, нуқтаи назарини ўзгартиришлари лозим эди.

•   Мусо ўзини Худо белгилаган вақтдан 40 йил илгари йўлбошчи бўла оламан, деб ҳисоблаган. (Ҳаворийлар 7:23–25, 30, 35)

•   Ҳаворийлар Исонинг ўлими ва тирилиши борасидаги башоратни тушунишмаган. (Ишаё 53:8–12; Матто 16:21–23)

•   Баъзи илк масиҳийлар «Яҳованинг куни» борасида нотўғри тушунчаларга эга бўлишган. (2 Салоникаликларга 2:1, 2)

 Кейинчалик Худо уларнинг тушунчаларини ўзгартирган ва У бизга ҳам бунда ёрдам беришни давом эттириши ҳақида ибодат қиламиз. (Ёқуб 1:5)