Осиёда яшовчи Янмей исмли Яҳованинг Шоҳиди Минцзе исмли кўзи ожиз бир аёлга йўлдан ўтишга кўмаклашибди a. Минцзе: «Раҳмат, Худо сизга барака берсин!» — деб жавоб берибди. Сўнг Янмей ундан Муқаддас Китоб асосида суҳбатлашишга розилигини сўрабди. Минцзе опамизга Худонинг ҳақиқий халқини топиши ҳақида ҳар куни ибодат қилаётганини айтибди. Нега у шундай деб ибодат қилган экан?

 Минцзе 2008 йили кўзи ожиз бўлган дугонаси имкониятлари чекланган одамлар учун аталган черковга боришни таклиф қилганда рози бўлган экан. Маърузани эшитгач, Минцзе руҳонийдан қайси китобга ишора қилаётганини сўрабди. У Муқаддас Китоб, Худонинг ишончли Каломи деб айтибди. Минцзе ўша китобни ўқишни жуда ҳам хоҳлабди. Шу боис хитой Брайль шрифтидаги Муқаддас Китобга эга бўлиб, тахминан олти ой ичида 32 та жилдини ўқиб чиқибди. Уни ўқиётганда, у қатнаётган черков томонидан ўргатилаётган Учлик таълимоти сохта эканини ва Худонинг исми Яҳова эканини тушунибди.

 Вақт ўтгач, Минцзе черков аъзоларининг хулқ-атвори туфайли ранжибди. Улар Муқаддас Китобда у ўқиган нарсаларга мувофиқ яшамаётганини англабди. Мисол учун, яхши бўлмаган озиқ-овқат маҳсулотларини кўзи ожизларга, яхшиларини эса кўзи ожиз бўлмаган инсонларга беришарди. Бундай ноҳақлик туфайли у қаттиқ хафа бўлибди, шунинг учун ўз ҳудудида бошқа черковни қидира бошлабди. Шу сабабли, Минцзе Худонинг ҳақиқий халқини топиш ҳақида ибодат қилган.

 Янмей савоб иш қилгани туфайли Минцзе унинг Муқаддас Китобни тадқиқ қилиш таклифини қабул қилибди. Кейинчалик, Минцзе Яҳова Шоҳидларининг жамоатига илк бор ташриф буюрди. У қуйидагича бўлишди: «Илк жамоатимни ҳечам унутмайман. Биродару опа-сингилларнинг бари мени илиқ қарши олишди. Бу менга қаттиқ таъсир қилди. Гарчи ожиз бўлсам ҳам, у ердаги самимий севгини ҳис этдим».

 Минцзе муваффақиятли бўлиб, доим учрашувларга қатнай бошлади. Ҳамду сано қўшиқларини куйлашни ёқтирарди, аммо бу осон эмас эди, чунки у ўқий оладиган Брайль шрифтида ҳамду санолар китоби йўқ эди. Йиғилишдагиларнинг ёрдами билан Минцзе ўзи учун бундай китобни қила олди. Барча 151 та қўшиқни бу шрифтда ёзиш учун у 22 соат сарфлади. 2018 йили Минцзе ваъз қила бошлади ва ҳар ой тахминан 30 соат вақтини бунга бағишларди.

 Минцзега сувга чўмиш учун тайёргарлик кўришга ёрдам бериш ниятида Янмей «Яҳованинг иродасини бажараётган ташкилот» китобидаги саволларни ва Муқаддас Китобдан келтирилган оятларни аудио ёзувга ёзиб олди. 2018 йили июлда Минцзе сувга чўмди. У шундай деди: «Анжуманда биродару опа-сингиллар кўрсатган севгиси менга роса таъсир қилди. Қувончдан йиғлай бошладим, ниҳоят Худонинг ҳақиқий жамоатининг аъзоси бўлдим». (Юҳанно 13:34, 35) Ҳозир, Минцзе ўзи ҳам эга бўлган севгини бошқаларга кўрсатишга қарор қилиб, тўла вақт хизмат қилади.