2 Korinfliklarga 12:2, 3 da Pavlus muayyan bir kishini «uchinchi osmonga ko‘tarilgan edi» deb aytgan. U kim edi? Korinfdagi jamoatga yo‘llagan maktubida Pavlus Xudo undan havoriy sifatida foydalanayotganini ta’kidlagan. (2 Kor. 11:5, 23) Keyin u «Hazratimizdan kelgan ro‘yolar hamda vahiylar» haqida aytib o‘tgan. Pavlus bu yerda boshqa birodarlarni tilga olmagan. Shu yo‘sin, ro‘yolar hamda vahiylar olgan kishi aynan uning o‘zi ekanini mantiqan xulosa qilgan. (2 Kor. 12:1, 5)

Demak, Pavlus «uchinchi osmonga ko‘tarilgan» va «jannatga olib ketilgan» kishi bo‘lishi mumkin. (2 Kor. 12:2–4) «Vahiylar» iborasini qo‘llagani, u kelajak borasida gapirganiga ishora qilyapti.

Pavlus «uchinchi osmonni» ko‘rgani nimani anglatadi?

Muqaddas Kitobda «osmon» so‘zi tom ma’nodagi osmonni anglatishi mumkin. (Ibt. 11:4; 27:28; Mat. 6:26) Lekin u ramziy ma’noni ham bildiradi. Gohida u yer yuzidagi hukumatga ishora qiladi. (Don. 4:20–22) Yoki Xudoning Shohligi orqali boshqariladigan ilohiy hukmdorlikni bildirishi mumkin. (Vah. 21:1)

Pavlus «uchinchi osmonni» ko‘rgan. Bu nima degani? Muqaddas Kitobda ba’zida biror fikrni ta’kidlash, u qanchalik muhim ekanini ko‘rsatish maqsadida uch marta keltiriladi. (Ishayo 6:3; Hiz. 21:27; Vah. 4:8) Pavlus «uchinchi osmon»ni tilga olib, Iso Masih va uning 144 000 ta vorisdoshi orqali boshqariladigan Masihiy Shohlik eng yuqori sifatli hukmdorlik ekanini ta’kidlamoqchi bo‘lganga o‘xshaydi. («Muqaddas Kitobni anglamoq», «Небо» mavzusi ostidagi «Новые небеса и новая земля» sarlavhasiga qarang.) Pavlus yozganiday, biz Allohning va’dasiga binoan «yangi osmon»ni kutyapmiz. (2 Butr. 3:13)

Pavlus «jannat» deganda nimaga ishora qilgan?

Bu so‘z turli narsalarni bildiradi. 1) Odamning nuqtai nazarida bu yer yuzidagi bo‘lajak «jannat». 2) Bu Xudoning xalqi yangi dunyoda ega bo‘ladigan o‘zgacha tinch muhit. 3) Vahiy 2:7 da aytilgan «Allohning jannati»ni, ya’ni osmondagi ajoyib muhitni anglatishi mumkin. («Qo‘riqchi minorasi»ning 2015-yil 15 iyul sonining 8-sahifasidagi 8-xatboshiga qarang.)

htimol, Pavlus 2 Korinfliklarga 12:4 da o‘zi haqida yozganda ushbu uchta omilni nazarda tutgandir.

Xulosa:

2 Korinfliklarga 12:2 da tilga olingan «uchinchi osmon» «yangi osmon», ya’ni Iso Masih va 144 000 moylangan masihiylar boshqaradigan Masihiy Shohlikni anglatishi mumkin. (2 Butr. 3:13)

Bu «uchinchi osmon», negaki mazkur Shohlik eng a’lo va yuksak hukmdorlikdir.

Pavlus vahiyda «olib ketilgan» «jannat» esa 1) yer yuzidagi tom ma’nodagi jannat, 2) hozirgiga qaraganda keyinchalik keng miqyosda bo‘ladigan ma’naviy jannat va 3) yangi dunyoda bir vaqtning o‘zida osmonda ham bo‘ladigan «Allohning jannatini» bildirishi mumkin.

Demak, yangi dunyoda bir vaqtning o‘zida ham yangi osmon, ham yangi yer bo‘ladi. Bu yangi tadbir bo‘lib, osmondagi Shohlikni va yer yuzidagi jannatda Yahovaga xizmat qiladigan insonlarni o‘z ichiga oladi.