Yer yuzida sodir bo‘layotgan yovuzliklar, Jannat yaqinligidan dalolat bermoqda. Muqaddas Kitob, Jannat kelishidan avval, mashaqqatli kunlar bo‘lishi haqda bashorat qilgan. Biz aynan shu vaqtda yashayapmiz! O‘sha bashoratlardan ayrimlari quyidagilardir:

Jahon urushlari. «Xalq xalqqa qarshi, podshohlik podshohlikka qarshi ko‘tariladi» (Matto 24:7). Bu bashorat bajarildi. 1914 yildan buyon ikkita jahon urushi va kichik miqyosdagi ko‘pdan-ko‘p boshqa urushlar bo‘ldi. Bu urushlarda millionlab odamlar halok bo‘ldi.

Kasalliklarning tarqalishi. «Ayrim joylarda... o‘latlar bo‘ladi»,— deb bashorat qilingan edi (Luqo 21:11). Bu so‘zlar bajo bo‘ldimi? Ha. Saraton, yurak kasalliklari, sil kasalligi, bezgak, OITS va boshqa xastaliklar millionlab odamlarning yostig‘ini qurutdi.

Oziq-ovqatning yetishmasligi. Butun dunyoda ovqatga zor bo‘lgan odamlar bor. Har yili millionlab odamlar ochlikdan o‘lib ketishyapti. Bu, Jannat yaqinligining yana bir belgisidir. Injilda oziq-ovqat yetishmasligi aytilgan (Mark 13:8).

 Zilzilalar. «Ayrim joylarda... zilzilalar bo‘ladi» (Matto 24:7). Bu ham bizning davrimizda yuz berdi. 1914 yildan buyon milliondan ortiq odamlar zilzilalarda halok bo‘lishdi.

Yovuz odamlar. Odamlar «nafs bandasi, pulparast» bo‘lishadi. Ular «Xudodan ko‘ra aysh-ishratni ko‘proq sevadilar». Bolalar «ota-onaga itoatsiz» bo‘ladilar (2 Timo‘tiyga 3:1-5). Hozir ko‘p odamlar xuddi shunaqa ekanligiga qo‘shilasizmi? Ular Allohni hurmat qilishmaydi, Xudo haqida bilmoqchi bo‘lganlarga esa to‘sqinlik qilishadi.

Jinoyatchilik. Shuningdek, «yovuzlik avjga chiqadi» (Matto 24:12). Bugungi kunda, oldingidan ko‘ra jinoyatchilik ko‘payib ketganining guvohi bo‘layotgandirsiz. Insonlar har yoqda o‘g‘rilik, yolg‘on va boshqa yovuzliklarning qurboni bo‘lishyapti.

Bularning barchasi Xudoning Shohligi yaqinligidan dalolat beryapti. Injilda: «Boyagi ishlarning sodir bo‘layotganini ko‘rganingizda bilingki, Xudoning Shohligi juda yaqindir»,— deb aytilgan (Luqo 21:31). Xudoning Shohligi o‘zi nima? Bu, Xudoning osmondagi hukumati bo‘lib, yer yuzida Jannat o‘rnatadi. Xudoning Shohligi, insoniy hukumatlarning o‘rnini bosadi (Doniyor 2:44).