1 Salonikaliklarga 3:1-13
3 Sizlardan ayrilganimizga chiday olmay, Afinada yolg‘iz qolishni afzal ko‘rdik+.
2 Shuning uchun, Masih haqidagi xushxabarni va’z qilayotgan, Allohning xizmatchisi* bo‘lmish birodarimiz Timo‘tiyni+ oldingizga yubordik. U imoningizni mustahkamlash uchun sizlarga tasalli berib, qo‘llab-quvvatlaydi.
3 Toki ushbu qayg‘ular dastidan hech biringizning imoningiz tebranmasin. Axir, bu narsalarni boshdan kechirishimiz muqarrar ekanligini o‘zlaringiz bilasizlar-ku+.
4 Buning ustiga, yoningizda bo‘lganimizda qayg‘ularga duchor bo‘lishimiz kerakligini sizlarga aytgan edik. Bilganingizdek, xuddi shunday yuz berdi+.
5 Shu sababli, men bunga ortiq chiday olmay, sadoqatingiz to‘g‘risida bilish uchun+, ya’ni Vasvasachi+ sizlarni vasvasaga solmadimikin va qilgan mehnatimiz befoyda bo‘lmadimikin, deya Timo‘tiyni oldingizga yubordim.
6 Lekin Timo‘tiy yoningizdan qaytib+, sadoqatingiz va sevgingiz to‘g‘risida yaxshi xabar olib keldi. Shuningdek, sizlar ham bizni hamisha yaxshi so‘zlar bilan eslayotganingizni, biz sizlarni ko‘rishni orzu qilgandek, sizlar ham bizni ko‘rishga intizor ekaningizni gapirib berdi.
7 Siz ham birodarlar, sadoqatingiz bilan muhtojlig-u qayg‘ularimizda bizga tasalli bo‘ldingizlar+.
8 Hazratimizning izdoshlari sifatida mahkam turganingiz bizga jon kiritdi.
9 Allohimiz oldida sizlar tufayli topgan katta quvonchimiz uchun hamda sizlar uchun Xudoga qanday minnatdorchilik bildirsak ekan?
10 Diydoringizni ko‘rib, imoningizni mustahkamlash uchun undagi kamchiliklarni to‘ldiraylik deya, kecha-yu kunduz zo‘r berib Xudoga iltijo qilmoqdamiz+.
11 Otamiz Xudoning O‘zi va Hazratimiz Iso sizlar tomon yo‘limizni ravon qilsin.
12 Biz sizlarni qancha sevsak, Hazratimiz Iso Masih ham bir-biringizga va barcha insonlarga bo‘lgan muhabbatingizni shuncha orttirib, ko‘paytirsin+.
13 Toki Hazratimiz Iso o‘zining barcha muqaddas kishilari bilan hozir bo‘lganda+, Otamiz Xudoning oldida qalblaringiz mustahkam, nuqsonsiz va muqaddas bo‘lsin+.
Izohlar
^ Boshqa variant «xizmatdoshi».