Solnomalar birinchi kitob 18:1-17
18 Bir muncha vaqtdan keyin, Dovud filistimliklarni mag‘lub etib, o‘ziga bo‘ysundirdi. Gat+ bilan unga qarashli* shaharchalarni Dovud filistimliklar qo‘lidan tortib oldi+.
2 Keyin u mo‘abliklarni ham mag‘lub etdi+. Ular Dovudning xizmatkorlari bo‘lishdi va o‘lpon to‘lay boshlashdi+.
3 Zo‘vo+ shohi Hadadzar+ Furot daryosi+ hududida o‘z hokimiyatini qayta tiklash uchun ketayotganida, Dovud uni Xomat+ shahri yonida mag‘lub qildi.
4 Dovud 1 000 ta jang arava, 7 000 ta suvori va 20 000 ta piyoda askarni asir oldi+. Aravaga qo‘shilgan hamma otlarning paylarini kesib tashlab, ulardan faqat 100 tasini tirik qoldirdi+.
5 Zo‘vo shohi Hadadzarga yordamga Damashqdan suriyaliklar kelganida, Dovud 22 000 suriyalikni qirib tashladi+.
6 Dovud Suriyaning Damashq shahrida harbiy kuchlarini joylashtirdi va suriyaliklar unga xizmat qilib, o‘lpon to‘laydigan bo‘lishdi. Dovud qayerga bormasin, Yahova unga g‘alaba* berardi+.
7 Dovud Hadadzarning xizmatkorlaridan oltindan yasalgan dumaloq qalqonlarni tortib oldi va ularni Quddusga olib keldi.
8 Dovud, Hadadzarga tegishli Tivxat bilan Xun shaharlaridan nihoyatda ko‘p mis oldi. Sulaymon keyin shu misdan quyma hovuz+, ustunlar va mis anjomlar yasadi+.
9 Xomat shohi To‘vu, Dovud Hadadzarning+ butun qo‘shinini tor-mor qilgani haqida xabar topdi.
10 To‘vu darhol shoh Dovuddan hol-ahvol so‘rash hamda Hadadzar bilan jang qilib uni mag‘lub etgani bilan tabriklash uchun (chunki Hadadzar To‘vuga qarshi tez-tez jang qilardi), uning oldiga o‘g‘li Hadoramni* yubordi. U o‘zi bilan turli xil kumush, oltin va mis buyumlar olib bordi.
11 Bu narsalardan tashqari, shoh Dovud o‘ziga bo‘ysundirgan barcha xalqlardan, ya’ni Edom va Mo‘abdan, ommonliklar+, filistimliklar+, omoleklardan+ olgan kumush va oltinlarni ham Yahovaga bag‘ishladi+.
12 Zeruya+ o‘g‘li Abushay+ Tuz vodiysida edomliklarning 18 000 tasini halok qildi+.
13 U Edomda harbiy kuchlarini joylashtirdi va barcha edomliklar Dovudning xizmatkorlari bo‘lishdi+. Dovud qayerga bormasin, Yahova unga g‘alaba berardi+.
14 U butun Isroil ustidan shoh bo‘lib+, xalqini adolat va haqqoniyat bilan boshqarardi+.
15 Zeruya o‘g‘li Yo‘ab — lashkarboshi+, Oxilud o‘g‘li Yohushafat esa tarixnavis edi+.
16 Oxitob o‘g‘li Zodo‘x bilan Abuatar o‘g‘li Oximalek ruhoniy edilar, Shavsho esa kotib edi.
17 Yohayido o‘g‘li Binayo Dovudning shaxsiy tansoqchilari*+ boshlig‘i, Dovudning o‘g‘illari esa bosh amaldorlar edi.
Izohlar
^ Yoki «uning atrofidagi».
^ Yoki «najot».
^ 2Shh 8:10 da «Yoram».
^ So‘zma-so‘z «xaretiylar bilan palatiylarning».