Solnomalar birinchi kitob 23:1-32
23 Dovud keksayib umri oxirlab qolganda, o‘g‘li Sulaymonni Isroil ustidan shoh etib tayinladi+.
2 Keyin Isroilning hamma beklarini, ruhoniylarni+ va levilarni+ yig‘di.
3 Yoshi 30 va undan yuqori bo‘lgan levilar ro‘yxatga olindi+. Ularning soni 38 000 tani tashkil etdi.
4 Bulardan 24 000 tasi Yahovaning uyidagi ishlar ustidan nazoratchi, 6 000 tasi boshliq va hakam+ sifatida xizmat qilardi.
5 Shuningdek, 4 000 kishi darvozabon+ edi. Yana 4 000 kishi Dovud Xudoni madh etish uchun yasagan musiqiy asboblarda Yahovaga hamd-u sano aytardi+.
6 So‘ng Dovud ularni guruhlarga+ bo‘ldi. Ularni Levi o‘g‘illari — Gershon, Qohot va Marori+ avlodlari bo‘yicha ajratdi.
7 Gershon o‘g‘illari: Laden bilan Shimey.
8 Laden o‘g‘illari: boshchi Yoxiyol, Zatom va Yo‘el+ — jami uchta.
9 Shimey o‘g‘illari: Shalumo‘t, Xaziyol va Xoron — jami uchta. Bular Laden naslidan bo‘lgan xonadonlar boshlari edi.
10 Shimey o‘g‘illari: Yaxat, Zenax, Yoush va Bariyo. Bu to‘rt kishi Shimeyning o‘g‘illari edi.
11 Yaxat boshchi, Zizo esa undan keyingisi edi. Yoush bilan Bariyoning o‘g‘illari ko‘p bo‘lmagani bois, ular bitta xonadon* hisoblanib, bir vazifani bajarishga mas’ul edilar.
12 Qohot o‘g‘illari: Imrom, Izxor+, Xevron va Uziyol+ — jami to‘rtta.
13 Imrom o‘g‘illari: Horun+ bilan Muso+. Horun va uning o‘g‘illari Eng muqaddas xonada doimo xizmat qilish+, Yahovaning huzurida qurbonliklar keltirish, Unga xizmatni ado etish, Uning nomidan xalqni duo qilish uchun tanlangan edilar+.
14 Haq Xudoning odami bo‘lmish Musoning o‘g‘illari esa Levi qabilasiga nomma-nom kiritilgan edi.
15 Muso o‘g‘illari: Gershom+ bilan Eliazar+.
16 Gershom o‘g‘illaridan boshchi Shavuvol+.
17 Eliazarning avlodidan boshchi Raxaviyo+. Eliazarning boshqa o‘g‘illari yo‘q edi. Raxaviyoning esa o‘g‘illari ko‘p edi.
18 Izxor+ o‘g‘illaridan boshchi Shalumit+.
19 Xevron o‘g‘illari: boshchi Yoriyo, ikkinchisi Emoriyo, uchinchisi Yaxaziyol, to‘rtinchisi Yoxamom+.
20 Uziyol o‘g‘illari+: boshchi Mixo, ikkinchisi Ishshiyo.
21 Marori o‘g‘illari: Maxli va Mushi+. Maxli o‘g‘illari: Elazar bilan Kish.
22 Elazar o‘g‘il ko‘rmay olamdan o‘tdi. Uning faqat qizlari bor edi. Ularga o‘z qarindoshlari — Kishning o‘g‘illari uylandi.
23 Mushi o‘g‘illari: Maxli, Eder va Yorimo‘t — jami uchta.
24 Bular — xonadonlari va xonadon boshlari bo‘yicha ismlari nomma-nom ro‘yxatga olingan Levi o‘g‘illaridir. Ular 20 va undan yuqori yoshda bo‘lib, Yahovaning uyida xizmat qilishga tayinlangan edi.
25 Dovud: «Isroil Xudosi Yahova O‘z xalqiga tinchlik berdi+. U Quddusda toabad maskan quradi+.
26 Levilar muqaddas chodirni ham, xizmatda qo‘llaniladigan anjomlarni ham ko‘tarib yurishmaydi»+,— dedi.
27 Dovudning so‘nggi yo‘l-yo‘riqlariga binoan, 20 va undan yuqori yoshda bo‘lgan levilar hisoblab chiqildi.
28 Ular Yahovaning uyida xizmat qiladigan Horunning o‘g‘illariga+ hovlilar-u+ oshxonalardagi yumushlarni bajarish, muqaddas narsalarni tozalash va haq Xudoning uyidagi boshqa muhim ishlarda yordam berishardi.
29 Ular taxlam nonlar*+, don nazrlari uchun a’lo sifatli un, lochiralar+, xamirga moy qo‘shib tovada pishiriladigan nonlar+, shuningdek, og‘irligi va hajmi o‘lchanadigan har qanday ishlarga javobgar edilar.
30 Ular har kuni ertalab+ va kechqurun Yahovaga shukrona-yu hamd-u sanolar aytishardi+.
31 Ular Shabbat+ kunlari, yangi oy chiqqanda+ va mavsumiy bayramlarda+ Yahovaga atab kuydiriladigan qurbonliklar keltirishda Horunning o‘g‘illariga yordam berishardi. Tavrotda yozilganlarga ko‘ra, ular doimo Yahovaning huzurida shunday qilishardi.
32 Qolaversa, ular uchrashuv chodirida va muqaddas joyda o‘z vazifalarini bajarib, aka-ukalari bo‘lmish Horunning o‘g‘illariga Yahovaning uyida xizmat qilishga ko‘maklashishardi.
Izohlar
^ So‘zma-so‘z «ota xonadoni», ya’ni ota tomondagi oila nazarda tutilgan.
^ Ya’ni tortiq etiladigan nonlar.
