2 Timo‘tiyga 1:1-18
1 Iso Masih orqali berilgan hayot va’dasiga+ hamda Allohning irodasiga muvofiq Iso Masihning havoriysi bo‘lgan Pavlusdan
2 sevikli o‘g‘lim Timo‘tiyga+:
Otamiz Xudodan va Hazratimiz Iso Masihdan senga inoyat, rahm-shafqat va tinchlik bo‘lsin.
3 Ota-bobolarimga o‘xshab muqaddas xizmatni toza vijdon bilan bajarayotganim uchun Allohdan minnatdorman. Kecha-yu kunduz qilgan iltijolarimda doimo seni yodga olaman.
4 Ko‘z yoshlaringni eslasam, seni qo‘msayman. Chunki seni ko‘rsam, shodlikka to‘laman.
5 Samimiy imoning+ hali ham esimda. Bunday imon avvaldan buving Loida hamda onang Evnikada bor edi va aminmanki, o‘sha imon senda ham mavjud.
6 Shu sababdan, qo‘llarimni boshingga qo‘yishim orqali sen Tangridan olgan in’omga beparvo bo‘lma*+, deb eslatmoqchiman.
7 Axir Xudo bizga qo‘rqoqlik ruhini emas+, balki kuch-quvvat+, muhabbat va aqli rasolik ruhini bergan.
8 Shunday ekan, Hazratimiz haqida shohidlik berishdan ham, u uchun zanjirband bo‘lganimdan ham uyalma+. Aksincha, xushxabar uchun boshingga tushayotgan qiyinchiliklarga Allohning qudrati+ yordamida dosh ber+.
9 U bizni qutqarib, ishlarimiz uchun emas, balki O‘z niyati va inoyati sababli+ muqaddas bo‘lishga da’vat etdi+. Bu inoyat bizlarga allaqachon Iso Masih orqali ko‘rsatildi.
10 Endi esa bu inoyat Najotkorimiz Iso Masihning oshkor etilishi orqali namoyon bo‘ldi+. Iso o‘limni bartaraf etib+, xushxabar orqali+ hayotga va chirimaslikka+ qanday ega bo‘lish kerakligini oydinlashtirdi+.
11 Ushbu xushxabar uchun men voiz, havoriy va ustoz etib tayinlanganman+.
12 Ana shu sababdan men bu qiyinchiliklarni boshdan kechirib+, hech uyalmayman+. Chunki men Xudoga ishonaman va aminmanki, men Unga ishonib topshirgan hamma narsani U hukm kunigacha himoya qilishga qodir+.
13 Sen esa Iso Masih bilan bog‘liq bo‘lgan imon va muhabbat bilan mendan eshitgan sog‘lom so‘zlar+ namunasini mahkam ushla.
14 Senga ishonib topshirilgan xazinani ichimizda bo‘lgan muqaddas ruh yordamida asragin+.
15 Osiyodagilarning*+ hammasi mendan yuz o‘girganini bilasan. Ularning qatorida Figel va Hermogen ham bor.
16 Onisiforning uyidagilarga+ Rabbimiz rahm-shafqat ko‘rsatsin, chunki u yonimga kelib, tez-tez ko‘nglimni ko‘tarib turardi va zanjirbandligimdan uyalgani yo‘q.
17 Aksincha, Rimga kelganida u tirishqoqlik bilan meni izlab topdi.
18 Hukm kunida Rabbimiz Yahova* unga rahm-shafqat ko‘rsatsin. Zero Efesda qilgan xizmatlari haqida o‘zing yaxshi bilasan.