Solnomalar ikkinchi kitob 15:1-19
-
Osoning islohotlari (1-19)
15 Ododning o‘g‘li Ozariyoga Xudoning ruhi tushdi.
2 U Osoni qarshi olishga chiqib, unga shunday dedi: «Ey Oso, butun Yahudo va Benyamin, menga quloq solinglar! Agar Yahova bilan bo‘lsangiz, U ham sizlar bilan bo‘ladi+, Uni izlasangiz, Uni topasizlar+. Bordi-yu, Uni tark etsangiz, U ham sizlarni tark etadi+.
3 Isroil uzoq vaqt davomida Allohdan, ruhoniylar ta’limi va qonundan xoli yashadi+.
4 Ammo boshlariga qiyinchilik tushganda, ular Isroil Tangrisi Yahovaga qaytib, Uni izlashdi va U O‘zini ularga oshkor etdi+.
5 O‘sha kezlari yurtda tartibsizliklar ko‘payib ketgani bois, safarga chiqish xavfli edi.
6 Xudo ularni turli qiyinchiliklarga duchor qilib, ular orasida tartibsizliklar keltirib chiqargani uchun, xalq xalqga, shahar shaharga qarshi chiqardi+.
7 Biroq sizlar kuchli bo‘linglar, tushkunlikka tushmanglar!+ Zero, ishingizga yarasha taqdirlanasizlar!»
8 Bu so‘zlarni va Odod payg‘ambarning bashoratini eshitishi bilanoq, Oso jasoratga to‘lib, butun Yahudo va Benyamin yurtidagi hamda Efrayim tog‘li hududida bosib olgan barcha shaharlardagi jirkanch butlarni yo‘q qildi+. Qolaversa, Yahova uyining dahlizi oldidagi+ Yahovaning qurbongohini tikladi.
9 U butun Yahudo bilan Benyamin xalqini, shuningdek, Efrayim, Manashe va Shimo‘n yeridagi musofirlarni+, ya’ni Xudovand Yahova Oso bilan ekanini ko‘rib, Isroildan uning tomoniga o‘tgan odamlarni yig‘di.
10 Oso hukmronligining 15- yili uchinchi oyda ular Quddusda yig‘ilishdi.
11 Ular qo‘lga kiritgan o‘ljalaridan o‘sha kuni 700 ta qoramol va 7 000 ta qo‘yni Yahovaga qurbonlik qilib keltirishdi.
12 Bundan tashqari, ular ota-bobolarining Tangrisi Yahovani butun qalb va butun vujudi bilan izlashga ahd qilishdi+.
13 Kimki Isroil Xudosi Yahovani izlamasa, u xoh yosh, xoh qari bo‘lsin, xoh erkak, xoh ayol bo‘lsin o‘ldirilishi kerak edi+.
14 Ular baland ovozda, xursandchilik hayqiriqlari, karnay va burg‘ular sadosi ostida Yahovaga qasam ichishdi.
15 Butun Yahudo chin dildan qasam ichgani uchun quvondi. Ular Xudoni astoydil izlashgani bois, U O‘zini oshkor etdi+. Yahova ularga har tomondan tinchlik berdi+.
16 Shoh Oso hatto buvisi Maxoni+ malikalik mavqeidan mahrum etdi. Chunki buvisi muqaddas ustunga sajda qilish maqsadida qabih but yasagan edi+. Oso bu jirkanch butni kesib tashladi-da, parcha-parcha qilib Qidron vodiysida yoqib yubordi+.
17 Ammo Isroildan tepaliklar+ yo‘q qilinmadi+. Shunga qaramasdan, Oso umri davomida butun qalbi bilan Tangriga xizmat qildi+.
18 U o‘zining va otasining Xudoga bag‘ishlagan* kumush, oltin va turli buyumlarini Allohning uyiga olib keldi+.
19 Oso hukmronligining 35-yiligacha yurtda urush bo‘lmadi+.
Izohlar
^ So‘zma-so‘z «muqaddas qilgan».
