Shohlar to‘rtinchi kitob 11:1-21
11 Oxaziyoning onasi Otaliyo+ o‘g‘li o‘lganini ko‘rib+, butun shoh avlodini qirib tashlashga+ bel bog‘ladi.
2 Ammo shoh Yohuramning qizi, Oxaziyoning singlisi Yohusheva+ o‘limga mahkum etilgan shahzodalardan biri bo‘lmish Oxaziyoning o‘g‘li Yo‘shni o‘g‘irlab, uni enagasi bilan ichkaridagi yotoqxonaga yashirdi. Shu tariqa, ular Yo‘shni Otaliyodan yashirib, uni omon saqlab qolishdi.
3 Otaliyo hukmronlik qilgan davrda, Yo‘sh enagasi bilan birga Yahovaning uyida olti yil davomida yashirinib yurdi.
4 Yettinchi yili Yohayido Yahovaning uyiga xariyollik soqchilar va saroy qo‘riqchilari+ yuzboshilarini chaqirtirdi. Yohayido ular bilan Yahovaning uyida bitim tuzib, qasam ichdirdi, so‘ngra shohning o‘g‘lini ularga ko‘rsatdi+.
5 Yohayido ularga quyidagicha topshiriq berdi: «Sizlar uch qismga bo‘lininglar. Birinchi qism Shabbat kuni shoh saroyida navbatchilik qilib, uni qo‘riqlasin+.
6 Ikkinchi qism Asos darvozasida, uchinchi qism esa saroy soqchilarining ortidagi darvoza oldida tursin. Shu yo‘sin, shoh saroyini galma-gal qo‘riqlanglar.
7 Shabbat kuni navbatchilik qiladigan ikkita guruh shohni himoyalash uchun Yahovaning uyini astoydil qo‘riqlasin.
8 Har biringiz qo‘llaringizga qurol olib, shohning atrofini o‘rab olinglar. Safingizni yorib kirmoqchi bo‘lgan har kimni o‘ldiringlar. Shoh qayerga bormasin, uning yonida bo‘linglar».
9 Yuzboshilar+ ruhoniy Yohayido buyurganiday qilishdi. Ular Shabbat kuni navbatchi bo‘lgan va navbatchilikni tugatgan odamlarini olib, ruhoniy Yohayidoning+ oldiga borishdi.
10 Ruhoniy Yahovaning uyida turgan shoh Dovudga tegishli nayza va dumaloq qalqonlarni yuzboshilarga berdi.
11 Shunda qo‘llariga qurol ushlagan saroy soqchilari+ uyning o‘ng tomonidan chap tomonigacha, qurbongoh+ bilan uyning yonida, shohning atrofida saf tortishdi.
12 Keyin Yohayido shahzodani+ olib chiqib, boshiga toj kiydirdi-da, Tavrot kitobini+ uning boshiga qo‘ydi. Shu tariqa, uni shoh etib moylashdi va qarsak chalib: «Shoh hazratlarining umrlari uzoq bo‘lsin!»+ — deyishdi.
13 Otaliyo yugurayotgan odamlarning shovqinini eshitishi bilanoq, Yahovaning uyidagi xalq oldiga keldi+.
14 U, odatga ko‘ra shoh ustun oldida turganini ko‘rdi+. Lashkarboshilar bilan karnaychilar+ shohning yonida edi. Butun yurt aholisi esa quvonar va karnay chalardi. Buni ko‘rgan Otaliyo egnidagi kiyimini yirtib: «Xoinlik! Xoinlik!» — deb baqirdi.
15 Lekin ruhoniy Yohayido qo‘shin ustidan tayinlangan yuzboshilarga+: «Uni orangizdan olib chiqinglar! Kim uning ortidan ergashsa, qilichdan o‘tkazinglar!» — dedi. So‘ng davom etib: «Uni Yahovaning uyida o‘ldirmanglar»,— deb buyurdi.
16 Ular Otaliyoni ushlab, shoh saroyiga+ otlar kiradigan joyga olib kelib o‘ldirishdi.
17 Keyin Yohayido, bundan buyon ham ular Yahovaning xalqi bo‘lib qolishi uchun, shoh bilan xalq va Yahova o‘rtasida ahd tuzdi+. Shuningdek, shoh bilan xalq o‘rtasida bitim tuzdi+.
18 Bundan so‘ng butun yurt aholisi Baal ibodatxonasiga kirib, uning qurbongohlarini vayron qildi-da+, tasvirlarini parchalab tashladi+. Baal ruhoniysi Mattanni esa qurbongohlar oldida o‘ldirdi+.
Keyin ruhoniy Yohayido Yahovaning uyiga nazoratchilar tayinladi+.
19 Bundan tashqari, u Yahovaning uyidan chiqqan shohni saroyga kuzatib borish uchun yuzboshilar+, xariyollik soqchilar, saroy qo‘riqchilari+ va butun yurt aholisini yig‘di. Ular saroy qo‘riqchisining darvozasi orqali shoh saroyiga kelishdi. So‘ngra Yo‘sh shoh taxtiga o‘tirdi+.
20 Butun yurt aholisi shod-xurram bo‘ldi, shaharda esa tinchlik o‘rnatildi. Chunki ular Otaliyoni shoh saroyi yonida qilichdan o‘tkazishdi.
21 Yo‘sh+ taxtga o‘tirganda, yetti yoshda edi+.