Ho‘sheya 12:1-14
12 «Efrayim shamol bilan oziqlanadi,
Kun bo‘yi sharq shamoli ortidan quvadi.
Yolg‘onu zo‘ravonlikni ko‘paytiradi.
Ossuriya bilan ahd qilib+, Misrga+ moy tashiydi.
2 Yahova Yahudo bilan hisob-kitob qiladi+,Yurgan yo‘llari uchun Yoqubni javobgarlikka tortadi,Qilgan ishiga yarasha jazosini beradi+.
3 Yoqub onasining qornida akasining tovonidan ushladi+,Ulg‘aygach esa kuchi boricha Xudo bilan kurashdi+.
4 U farishta bilan kurashib, uni yengdi,
Ko‘z yoshlar ila undan iltifot so‘rab yolvordi»+.
Alloh uni Baytilda topib, u yerda biz haqimizda gapirdi+.
5 Yahova — Qo‘shinlar Sarvaridir+,Yahova — Uning unutilmas ismidir*+.
6 «Shunday ekan, Tangring oldiga qayt+,Mehr-sadoqat va adolatdan ayrilma+.Doim Allohingga umid bog‘la.
7 Biroq savdogarning qo‘lida yolg‘on tarozi,U aldashni yaxshi ko‘radi+.
8 Efrayim: “Men boyib ketdim+,Mol-dunyoga ega bo‘ldim+.
Chekkan zahmatimda ular biron xato yo ayb topa olmaydi”,— deb yuribdi.
9 Ammo Men Misrda bo‘lgan chog‘ingdan buyon Tangring Yahovaman+.
Belgilangan vaqtda* bo‘lgani kabi,Men seni yana chodirlarda yashattiraman.
10 Men payg‘ambarlarga gapirib+,Ularga ko‘p vahiylar berdim,Payg‘ambarlar orqali masallar aytdim.
11 Giladda firibgarlik va yolg‘on o‘rnashgan+,
Gilgalda ular buqalarni qurbonlikka keltirmoqda+,Ularning qurbongohlari haydalgan daladagi tosh uyumlariga o‘xshaydi+.
12 Yoqub Orom*+ o‘lkasiga qochib ketdi,Isroil+ xotini uchun xizmat qildi+,U xotini uchun qo‘y boqdi+.
13 Yahova payg‘ambar yuborib Isroilni Misrdan olib chiqdi+,Payg‘ambar orqali ularni himoyaladi+.
14 Efrayim Xudoni ranjitdi+,To‘kkan qoni o‘z gardanidadir,Isnod keltirgani uchun Rabbi uni jazolaydi»+.
