Ho‘sheya 5:1-15
-
Efrayim va Yahudoga chiqarilgan hukm (1-15)
5 «Ey ruhoniylar, tinglang!+Ey, Isroil xonadoni, diqqatli bo‘l!Ey, shoh xonadoni, quloq sol!Sizlar Mispax uchun tuzoq,Tovur+ ustidan yoyilgan to‘r bo‘lganingiz bois,Hukm etilasizlar.
2 Isyonchilar g‘oyat ko‘p qon to‘kishdi,Men ularning hammasini ogohlantirdim*.
3 Efrayimni bilaman,Isroil Mendan yashirina olmaydi.
Ey Efrayim, sen buzuqlik qilding,Isroil o‘zini-o‘zi bulg‘adi+.
4 Ularning ishlari Xudoga qaytishlariga izn bermaydi,Chunki ular orasida buzuqlik ruhi hukm suradi+.Men, Yahova, ularning Xudosi ekanimni tan olishmaydi.
5 Isroilning mag‘rurligi o‘ziga qarshi guvohlik berdi+.Isroil ham, Efrayim ham, o‘z xatosi dastidan qoqildi.Ular bilan Yahudo ham qoqildi+.
6 Suruvlari-yu podalari bilan Yahovani izladi,Biroq Uni topa olmadi.
Xudo ulardan yiroqlashdi+.
7 Ular haromi o‘g‘illariga otalik qilib+,Yahovaga xiyonat qildi.
Ular bir oy ichida o‘z ulushlari bilan birga yo‘q qilinadi*.
8 Givoda burg‘u, Ramada+ karnay chaling!+
Bayt-Obunda+ jangovar ovozda baqiring. Ey Benyamin, ortingdan boramiz!
9 Ey Efrayim, jazo kunida sen mudhish ahvolga tushasan+.
Men Isroil qabilalari orasida nima yuz berishini ma’lum qildim.
10 Yahudo beklari chegarani suradiganlarga o‘xshaydi+.
O‘z qahrimni ularning ustiga suvday to‘kaman.
11 Dushmaniga ergashishga qaror qilgani uchun,Efrayim jabr-zulm ko‘rib, adolat ila yakson etildi+.
12 Men Efrayim uchun kuyaday,Yahudo xonadoni uchun chirikday bo‘ldim.
13 Efrayim o‘z kasalligini, Yahudo o‘z yarasini ko‘rganda,Efrayim Ossuriyaga borib+, ulug‘ shohga xabarchilar yubordi.
Biroq o‘sha shoh senga shifo berolmadi,Yarangni davolay olmadi.
14 Men Efrayim uchun yosh sherday,Yahudo xonadoni uchun baquvvat sherday bo‘laman.
O‘zim ularni tilka-pora qilib tashlab ketaman+.Ularni sudrab ketaman, ularni hech kim qutqarmaydi+.
15 Makonimga qaytaman-da, ular gunohiga yarashasini olmaguncha u yerda qolaman.Shunda ular marhamatimni qozonishga intiladi+.
Boshiga kulfat tushganda Meni izlaydi»+.
Izohlar
^ Yoki «hammasiga ta’lim-tarbiya beraman».
^ Boshqa variant «Bir oy ularni va ulushlarini yutib yuboradi».
